Léirigh Buíochas as Ucht a Bhfuil Déanta ag Iehova agus ag Íosa Duit

Cén chaoi a mothaíonn tú nuair a thugann cara bronntanas álainn duit? Is dócha go gcuireann sé an-áthas ort agus gur mhaith leat do bhuíochas a chur in iúl. Thug Iehova agus Íosa an bronntanas is fearr a fuair muid riamh dúinn. Céard é féin, agus cén chaoi ar féidir linn ár mbuíochas a chur in iúl?

1. Céard é bealach amháin ar féidir linn ár mbuíochas a chur in iúl?

Geallann an Bíobla gur féidir le “gach duine a chreideann” in Íosa maireachtáil go deo. (Eoin 3:16) Céard a chiallaíonn sé creidiúint in Íosa? Ní mór dúinn ár gcreideamh a léiriú trí chinntí agus dea-oibreacha. (Séamas 2:17) Léiríonn muid ár gcreideamh trínár mbriathra agus ár ngníomhartha, agus neartaítear ár gcaidreamh le hÍosa agus lena Athair Iehova.—Léigh Eoin 14:21.

2. Cén ócáid speisialta a chabhróidh linn ár mbuíochas a chur in iúl d’Iehova agus d’Íosa?

An oíche sular bhfuair sé bás chuir Íosa tús le searmanas ar a dtugtar ‘suipéar an Tiarna’ nó Cuimhneachán Bhás Íosa Críost. (1 Corantaigh 11:20) Bhunaigh Íosa é seo chun go gcuimhneodh na haspail agus gach fíor-Chríostaí gur thug sé a bheatha ar a son. D’ordaigh Íosa: “Déanaigí é seo mar chuimhne orm.” (Lúcás 22:19) Nuair a fhreastalaíonn tú ar an gCuimhneachán, léiríonn tú do bhuíochas don ghrá atá ag Iehova agus ag Íosa dúinn.

DÉAN TAIGHDE

3. Spreagann buíochas muid chun gníomhú

Samhlaigh gur shábháil duine éigin do shaol. An ndéanfá dearmad ar an méid a rinne sé duit? Nó an mbeifeá ag lorg bealaí chun do bhuíochas a chur in iúl?

Ní bheadh muid beo murach Iehova. Léigh 1 Eoin 4:8-10, ansin plé na ceisteanna a leanann:

• Cén fáth gur bronntanas speisialta í íobairt Íosa?

• Cén chaoi a mothaíonn tú faoi gach a ndearna Iehova agus Íosa duit?

Cén chaoi a gcuirfidh muid ár mbuíochas in iúl d’Iehova agus d’Íosa? Léigh 2 Corantaigh 5:15 agus 1 Eoin 4:11; 5:3. Tar éis na scrioptúir a léamh, déan plé ar an gceist seo:

• Bunaithe ar na scrioptúir seo, cén chaoi ar féidir linn ár mbuíochas a léiriú?

4. Déan aithris ar Íosa

Bealach eile lenár mbuíochas a chur in iúl d’Íosa ná haithris a dhéanamh air. Léigh 1 Peadar 2:21, ansin plé an cheist seo:

• Cé na bealaí ar féidir linn coiscéimeanna Íosa a leanúint?

5. Bí i láthair ag Cuimhneachán Bhás Chríost

Chun a fháil amach céard a tharla nuair a chuir Íosa tús le Suipéar an Tiarna, léigh Lúcás 22:14, 19, 20. Ansin plé na ceisteanna a leanann:

• Céard a tharla ag Suipéar an Tiarna?

• Cé dó a sheasann an fíon agus an t-arán? Féach ar véarsaí 19 agus 20.

Bhí Íosa ag iarraidh go ndéanfadh a chuid deisceabal comóradh ar a bhás uair sa mbliain cothrom an lae ar bhásaigh sé. Mar sin, tagann Finnéithe Iehova le chéile chun comóradh a dhéanamh ar a bhás de réir mar a d’ordaigh sé. Chun tuilleadh eolais a fháil ar an gcruinniú tábhachtach seo seinn an FÍSEÁN. Ansin plé an cheist a leanann.

FÍSEÁN: Cuimhnigh ar Bhás Íosa (1:41)

• Céard a tharlaíonn ag an gCuimhneachán?

Is siombailí iad an t-arán agus an fíon. Seasann an t-arán do chorp fhoirfe Íosa a thug sé mar íobairt ar ár son. Seasann an fíon dá chuid fola

ACHOIMRE

Léiríonn muid ár meas ar gach a ndearna Íosa dúinn trí dhea-oibreacha ár gcreideamh agus trí fhreastal ar Chuimhneachán a bháis.

Súil Siar

• Cén chaoi a léireofá go gcreideann tú in Íosa?

• Cén chaoi ar mhaith leatsa do mheas a léiriú ar gach a ndearna Iehova agus Íosa duit?

• Cén fáth a bhfuil sé tábhachtach freastal ar Chuimhneachán Bhás Chríost?

FIOSRAIGH

Cén chaoi a spreagann bás Chríost muid?

He Used His Body to Honor Jehovah (9:28)

Foghlaim faoi dhea-oibreacha a léiríonn ár gcreideamh.

“Exercise Your Faith in Jehovah’s Promises” (The Watchtower, Deireadh Fómhair 2016)

Sa scéal “I Feel Clean, Alive, and Whole,” féach ar mar a d’athraigh saol mná nuair a d’fhoghlaim sí faoi íobairt Chríost.

“The Bible Changes Lives” (The Watchtower, 1 Lúnasa, 2011)

Cén fáth nach gcaitheann ach grúpa beag an t-arán agus an fíon ag an gCuimhneachán?

“Why Do Jehovah’s Witnesses Observe the Lord’s Supper Differently From the Way Other Religions Do?” (Alt ar líne)