CEACHT 52
Tá Tábhacht ag Baint Leis an mBealach a nGléasann Muid
Is maith linn go léir na héadaí a chaitheann muid agus an bealach a mbreathnaíonn muid a roghnú. Má leanann muid roinnt prionsabail shimplí ón mBíobla, ní hé amháin gur féidir linn ár stíl pearsanta féin a léiriú, ach is féidir linn Iehova a shásamh freisin. Scrúdóidh muid roinnt de na prionsabail seo.
1. Cé na prionsabail ar chóir dúinn a chur san áireamh agus muid á ngléasadh féin?
Ba chóir dúinn muid féin “a chóiriú go modhúil stuama in éadaí slachtmhara,” agus a bheith glan agus néata, rud a léiríonn ómós dár nDia. (1 Tiomóid 2:9, 10) Déan machnamh ar ceithre phrionsabal: (1) Ba chóir go mbeadh an chaoi a ngléasann muid oiriúnach do Chríostaithe. Tabharfaidh tú faoi deara nach ngléasann chuile dhuine mar a chéile ag cruinnithe pobail, ach ba chóir go léireoidh ár n-éadaí agus ár stíl gruaige ár n-ómós do Dhia. (2) Ba chóir go mbeadh muid gléasta “go modhúil” rud a chiallaíonn nach mbeidh muid gléasta in éadaí gáirsiúla nó a bheith ag tarraingt an iomarca airde orainn féin. (3) Léiríonn muid go bhfuil muid “modhúil stuama” nuair nach nglacann muid le chuile chineál stíle atá sa bhfaisean. (4) Ba chóir go dtiocfadh ár maisiú “chun glóire Dé,” rud a thabharfadh le fios do dhaoine eile go n-adhrann muid an fíor-Dhia.—1 Corantaigh 10:30b (10:31 i mBíoblaí eile).
2. An tionchar a bhíonn ag an mbealach a ngléasann muid ar ár gcomhChríostaithe
Cé gur féidir linn ár gcuid éadaí a roghnú, ba chóir dúinn smaoineamh ar an tionchar a d’fhéadfadh a bheith ag an mbealach a ngléasann muid ar dhaoine eile. Déanann muid ár ndícheall gan cur as d’aon duine, “ach gach duine againn ar mhaithe leis an gcomharsa d’fhonn é a neartú.”—Léigh Rómhánaigh 15:1, 2.
3. Cén tábhacht a bhaineann leis an gcaoi a mbreathnaíonn muid?
Cé go ndéanann muid iarracht gléasadh go cuí i gcónaí, déanann muid iarracht ar leith nuair a fhreastalaíonn muid ar chruinnithe pobail agus nuair a ghlacann muid páirt san obair chraobhscaoilte. Níl muid ag iarraidh beag a dhéanamh den teachtaireacht thábhachtach atá á roinnt againn le daoine. Ina ionad sin, d’fhéadfadh an chaoi a mbreathnaíonn muid cur le maisiú “theagasc Dé, ár slánaitheoir, i ngach ní.”—Títeas 2:10.
DÉAN TAIGHDE
Déan machnamh ar an gcaoi ar féidir linn a chinntiú go bhfuil an chaoi a ngléasann muid oiriúnach do Chríostaithe.
Is féidir leis an gcaoi a ngléasann muid ár n-ómós do dhaoine atá i gceannas a chur in iúl. Cé go bhfeiceann Iehova gach atá inár gcroí, ba chóir go léireodh an chaoi a ngléasann muid ómós dó
4. Léiríonn an chaoi a ngléasann muid ómós d’Iehova
Cén fáth a gcuireann muid an oiread sin béime ar an gcaoi a ngléasann muid? Léigh Salm 47:3 (47:2 i mBíoblaí eile), ansin plé na ceisteanna seo:
De bhrí go bhfuil muid ag déanamh ionadaíochta ar son Iehova, cén tionchar ar chóir a bheith aige seo ar an gcaoi a ngléasann muid?
An bhfuil gá a bheith cúramach faoin gcaoi a ngléasann muid inár seirbhís d’Iehova? Is gá nó ní gá?
5. Ag déanamh roghanna maithe maidir leis an mbealach a mbreathnaíonn muid
Is cuma cén cineál éadaí a bhíonn á chaitheamh againn, ba chóir dóibh a bheith glan agus oiriúnach do gach ócáid. Léigh 1 Corantaigh 10:24 agus 1 Tiomóid 2:9, 10. Ansin, plé an chúis ar chóir dúinn éadaí a sheachaint atá . . .
sraoilleach.
gáirsiúil nó ró-fháiscthe.
Cé nach bhfuil Críostaithe faoi Dhlí Mhaois, tá dearcadh Iehova le fáil ann. Léigh Deotranaimí 22:5, ansin plé an cheist seo:
Cén fáth ar chóir éadaí a chuirfeadh cuma fir ar bhean nó cuma mná ar fhear a sheachaint?
Léigh 1 Corantaigh 10:32, 33 agus 1 Eoin 2:15, 16, ansin plé na ceisteanna seo:
Cén fáth a bhfuil sé tábhachtach nach gcuirfidh an chaoi a réitíonn muid as do dhaoine inár gceantar nó sa bpobal Críostaí?
Céard iad na stíleanna feistis atá coitianta i do cheantar?
An gceapann tú nach bhfuil cuid de na stíleanna sin feiliúnach do Chríostaí? Cén fáth go bhfuil nó cén fáth nach bhfuil?
Is féidir linn muid féin a ghléasadh ar bhealaí éagsúla agus Iehova a shásamh ag an am céanna
DEIR DAOINE ÁIRITHE: “Tá sé de cheart agam ghléasadh ar aon bhealach is mian liom.”
An n-aontaíonn tú leis sin? Cén fáth a n-aontaíonn nó cén fáth nach n-aontaíonn?
ACHOIMRE
Nuair a dhéanann muid cinntí maithe faoin gcaoi a ngléasann muid, léiríonn muid ómós d’Iehova agus do dhaoine eile.
Súil Siar
Cén fáth a bhfuil an bealach a ngléasann muid tábhachtach d’Iehova?
Céard iad na prionsabail ar chóir a bheith á dtreorú agus muid ag déanamh cinntí faoin gcaoi a mbreathnaíonn muid?
Cén tionchar a bhíonn ar an gcaoi a ngléasann muid ar an dearcadh a bhíonn ag daoine eile ar an bhfíor-adhradh?
FIOSRAIGH
Céard a thugann do chuid éadaí le fios do dhaoine eile?
Cuimhnigh ceart ort féin sula bhfaigheann tú tatú.
Déan machnamh ar phrionsabail eile atá in ann ár gcinntí a threorú.
“Does Your Style of Dress Glorify God?” (The Watchtower, Meán Fómhair 2016)
Cén chaoi ar éirigh le bean Chríostaí glacadh leis an mbealach a ngléasann daoine eile?
“Dress and Grooming Was My Stumbling Block” (Awake!, 22 Nollaig, 2003)