8 Levibii nɛɛ fata amɛhe: Shemaia, kɛ Netania, kɛ Zebadia, kɛ Asahel, kɛ Shemiramot, kɛ Yehonatan, kɛ Adonia, kɛ Tobia, kɛ Tob-adonia, ni osɔfo Elishama kɛ osɔfo Yehoram hu fata amɛhe.+ 9 Amɛyatsɔɔ nii yɛ Yuda, ni amɛhiɛ Yehowa Mla wolo lɛ kɛtee,+ ni amɛyakpa Yuda maji lɛ fɛɛ amli ni amɛtsɔɔ maŋbii lɛ nii.

7 Ni Yeshua, kɛ Bani, kɛ Sherebia,+ kɛ Yamin, kɛ Akub, kɛ Shabetai, kɛ Hodia, kɛ Maaseia, kɛ Kelita, kɛ Azaria, kɛ Yozabad,+ kɛ Hanan, kɛ Pelaia, ni ji Levibii lɛ, gbala Mla lɛ mli amɛtsɔɔ maŋbii lɛ;+ no mli fɛɛ lɛ, maŋbii lɛ damɔ shi. 8 Ni amɛtee nɔ amɛkane wolo lɛ, ni ji anɔkwa Nyɔŋmɔ lɛ Mla wolo lɛ, ni amɛgbala mli faŋŋ ni amɛtsɔɔ mli; no hewɔ lɛ, amɛhã maŋbii lɛ nu nɔ ni akaneɔ lɛ shishi.+

7 Ejaakɛ esa akɛ osɔfo naabu abaa nilee yi, ni lɛ edaaŋ esa akɛ gbɔmɛi atao mla* kɛjɛ,+ ejaakɛ Yehowa, taiatsɛ lɛ, tsulɔ ji lɛ.