20 Ni Noa ma afɔleshaa latɛ+ ehã Yehowa, ni emɔ kooloi ni he tse lɛ fɛɛ mli eko kɛ bɔɔ nii ni filikiɔ ni he tse+ lɛ fɛɛ mli eko, ni ekɛshã shãa afɔle yɛ afɔleshaa latɛ lɛ nɔ.+ 21 Ni Yehowa nu ŋma kpakpa* lɛ. No hewɔ lɛ, Yehowa kɛɛ yɛ etsuiŋ akɛ: “Milomɔŋ* shikpɔŋ+ lɛ dɔŋŋ yɛ gbɔmɔ hewɔ, ejaakɛ gbɔmɔ tsuiŋ susumɔ lɛ, efɔŋ ni kɛjɛ egbekɛbiiashi;+ ni mikpãtãŋ nɔ fɛɛ nɔ ni hiɛ kã lɛ hiɛ dɔŋŋ tamɔ bɔ ni mifee lɛ.+

2 “Okɛ Israelbii lɛ awie ni okɛɛ amɛ akɛ, ‘Kɛ́ nyɛná nyɛyashɛ shikpɔŋ ni mikɛhãa nyɛ koni nyɛhi nɔ lɛ nɔ,+ 3 ni nyɛkɛ tsinai loo toi lɛ eko miihã akɛ afɔle ni akɛ la shãa ahãa Yehowa lɛ—kɛ́ eji shãa afɔle+ jio, afɔle ni akɛmiitsu shiwoo krɛdɛɛ ko he nii jio, afɔle ni ajɛɔ suɔmɔ mli akɛhãa+ jio, afɔle ni ashãa yɛ nyɛgbii juji+ lɛ anɔ jio, bɔ ni afee ni eje ŋma jogbaŋŋ* ewo Yehowa lɛ+—