27 “Okɛ akasia tso afee afɔleshaa latɛ;+ ekɛlɛ afee ninetalɔi* enumɔ, ni elɛɛmɔ afee ninetalɔi enumɔ. Afɔleshaa latɛ lɛ koji ejwɛ lɛ fɛɛ aye egbɔ, ni ekwɔlɛ afee ninetalɔi etɛ.+ 2 Feemɔ akolontoi+ omamɔ ekoji ejwɛ lɛ anɔ; akolontoi lɛ kɛ afɔleshaa latɛ lɛ fɛɛ afee nɔ muu kome, ni okɛ akɔɔble aha afɔleshaa latɛ lɛ he.+

30 “Feemɔ afɔleshaa latɛ ní ashã tsofa-kɛ-ŋma yɛ nɔ;+ okɛ akasia tso afee.+ 2 Feemɔ lɛ koji ejwɛ ni fɛɛ yeɔ egbɔ, ekɛlɛ afee ninetalɔ kome,* elɛɛmɔ afee ninetalɔ kome, ni ekwɔlɛ afee ninetalɔi enyɔ. Ekolontoi lɛ amamɔ nɔ, ní fɛɛ afee nɔ muu kome.+ 3 Okɛ shika tsuru krɔŋŋ aha he: enɔ kɛ ehe fɛɛ kɛkpe kɛ ekolontoi lɛ ahe; ni okɛ shika tsuru aye sãma kɛbã naa kɛkpe.