2 “Kɛɛmɔ Israelbii lɛ akɛ, ‘Nyɛhalaa abobaa maji+ ni mitsɔ Mose nɔ mikɛ nyɛ wie he lɛ nyɛhãa nyɛhe, 3 koni mɔ ni baagbe mɔ ko* ni jeee gbɛ eje egbe lɛ loo mɔ ni baagbe mɔ ko yɛ oshãra naa* lɛ ajo foi kɛya jɛmɛ. Ni amɛbaatsɔmɔ abobaahei amɛhã nyɛ kɛje lá he oweletɔlɔ lɛ dɛŋ.+

7 No hewɔ lɛ, amɛfee maji nɛɛ krɔŋkrɔŋ:* Kedesh+ ni yɔɔ Galilea, yɛ Naftali gɔji lɛ anɔ lɛ, kɛ Shekem+ ni yɔɔ Efraim gɔji lɛ anɔ lɛ, kɛ Kiriat-arba,+ ni ji Hebron, ni yɔɔ Yuda gɔji lɛ anɔ lɛ. 8 Yɛ Yordan lɛ kpokpaa ni yɔɔ Yeriko bokãgbɛ lɛ, amɛhala Bezer+ yɛ ŋa lɛ nɔ, yɛ gɔŋ kɛ eyiteŋ tɛtrɛɛ lɛ nɔ kɛjɛ Ruben weku lɛ mli, kɛ Ramot+ ni yɔɔ Gilead lɛ kɛjɛ Gad weku lɛ mli, kɛ Golan+ ni yɔɔ Bashan lɛ kɛjɛ Manase weku lɛ mli.+

13 Ni osɔfo Aaron bihii lɛ, amɛkɛ Hebron,+ ni ji abobaa maŋ ni ato kɛhã mɔ ko ni egbe gbɔmɔ lɛ,+ kɛ ehe shikpɔji ni kooloi yeɔ nii yɛ nɔ lɛ hã amɛ, kɛ agbɛnɛ hu, Libna+ kɛ ehe shikpɔji ni kooloi yeɔ nii yɛ nɔ lɛ,

21 Amɛkɛ abobaa maŋ ni ato kɛhã mɔ ko ni egbe gbɔmɔ lɛ,+ ni ji Shekem+ kɛ ehe shikpɔji ni kooloi yeɔ nii yɛ nɔ, ní yɔɔ Efraim gɔji lɛ anɔ lɛ hã amɛ, kɛ agbɛnɛ hu Gezer+ kɛ ehe shikpɔji ni kooloi yeɔ nii yɛ nɔ lɛ,

27 Ni Levibii lɛ awekui lɛ ateŋ mɛi ni ji Gershonbii+ lɛ, Manase weku lɛ fã lɛ hã amɛ abobaa maŋ ni ato kɛhã mɔ ko ni egbe gbɔmɔ lɛ, ni ji Golan+ ni yɔɔ Bashan lɛ, kɛ ehe shikpɔji ni kooloi yeɔ nii yɛ nɔ lɛ, kɛ agbɛnɛ hu, Beeshtera kɛ ehe shikpɔji ni kooloi yeɔ nii yɛ nɔ lɛ—maji enyɔ.

32 Ni maji ni ahã amɛ yɛ Naftali weku lɛ mli ji: Kedesh+ ni yɔɔ Galilea lɛ, ni ji abobaa maŋ+ ni ato kɛhã mɔ ko ni egbe gbɔmɔ lɛ, kɛ ehe shikpɔji ni kooloi yeɔ nii yɛ nɔ lɛ, Hamot-dor kɛ ehe shikpɔji ni kooloi yeɔ nii yɛ nɔ lɛ, kɛ Kartan kɛ ehe shikpɔji ni kooloi yeɔ nii yɛ nɔ lɛ—maji etɛ.

36 Ni maji ni ahã amɛ yɛ Ruben weku lɛ mli ji: Bezer+ kɛ ehe shikpɔji ni kooloi yeɔ nii yɛ nɔ lɛ, Yahaz kɛ ehe shikpɔji ni kooloi yeɔ nii yɛ nɔ lɛ,+

38 Ni maji ni ahã amɛ yɛ Gad weku lɛ mli ji:+ Ramot ni yɔɔ Gilead lɛ,+ ni ji abobaa maŋ ni ato kɛhã mɔ ko ni egbe gbɔmɔ lɛ, kɛ ehe shikpɔji ni kooloi yeɔ nii yɛ nɔ lɛ, Mahanaim+ kɛ ehe shikpɔji ni kooloi yeɔ nii yɛ nɔ lɛ,