8 Ni shĩa nɛɛ baatsɔ koikoi.+ Mɔ fɛɛ mɔ ni baatsɔ he kɛho lɛ naa baakpɛ ehe ni ebaabo tsia* ni ebaabi akɛ, ‘Mɛni hewɔ Yehowa fee shikpɔŋ nɛɛ kɛ shĩa nɛɛ nɛkɛ?’+ 9 Ni amɛbaakɛɛ akɛ, ‘Ejaakɛ amɛje Yehowa, amɛ-Nyɔŋmɔ lɛ sɛɛ, mɔ ni jie amɛtsɛmɛi lɛ kɛje Ejipt shikpɔŋ lɛ nɔ lɛ, ni amɛkɛ amɛhe yakpɛtɛ nyɔŋmɔi krokomɛi ahe ni amɛkoto amɛ ni amɛsɔmɔ amɛ. No hewɔ ni Yehowa kɛ amanehului nɛɛ fɛɛ eba amɛnɔ nɛɛ.’”+

21 Ni shĩa nɛɛ baatsɔ koikoi. Mɔ fɛɛ mɔ ni baatsɔ he kɛho lɛ naa baakpɛ ehe+ ni ebaabi akɛ, ‘Mɛni hewɔ Yehowa fee shikpɔŋ nɛɛ kɛ shĩa nɛɛ nɛkɛ?’+ 22 Ni amɛbaakɛɛ akɛ, ‘Ejaakɛ amɛje Yehowa, amɛtsɛmɛi a-Nyɔŋmɔ lɛ sɛɛ,+ mɔ ni jie amɛ kɛje Ejipt shikpɔŋ lɛ nɔ lɛ,+ ni amɛkɛ amɛhe yakpɛtɛ nyɔŋmɔi krokomɛi ahe ni amɛkoto amɛ ni amɛsɔmɔ amɛ.+ No hewɔ ni ekɛ amanehului nɛɛ fɛɛ eba amɛnɔ nɛɛ.’”+

8 “‘Ni jeŋmaji babaoo baatsɔ maŋ nɛɛ he kɛho ni amɛbaakɛɛkɛɛ amɛhe akɛ: “Mɛni hewɔ ni Yehowa fee maŋ kpele nɛɛ nɛkɛ?”+ 9 Ni amɛbaahere nɔ akɛ: “Ejaakɛ amɛku Yehowa, amɛ-Nyɔŋmɔ lɛ, kpaŋmɔ lɛ mli, ni amɛyakoto nyɔŋmɔi krokomɛi ni amɛsɔmɔ amɛ.”’+