4 No hewɔ lɛ, Moab kɛɛ Midian onukpai+ lɛ akɛ: “Enɛ lɛ, asafo nɛɛ baakpe nibii fɛɛ ni bɔle wɔ lɛ, tamɔ bɔ ni tsina kpeɔ jwɛi yɛ ŋa nɔ lɛ.”

Nakai beiaŋ lɛ, Balak, Zipor binuu lɛ ji Moab maŋtsɛ. 5 Etsu mɛi kɛtee Bileam, Beor binuu lɛ ŋɔɔ yɛ Petor+ ni yɔɔ Faa* lɛ naa lɛ, yɛ emaŋbii lɛ ashikpɔŋ lɛ nɔ. Etsu koni ayatsɛ lɛ kɛba, ni ekɛɛ: “Naa! Maŋ ko ejɛ Ejipt kɛba. Naa! Amɛha shikpɔŋ lɛ nɔ fɛɛ,+ ni amɛbahi mihiɛ kpaakpa. 6 Agbɛnɛ, ofainɛ, ba ni obalomɔ maŋ nɛɛ ohã mi,+ ejaakɛ amɛhe wa fe mi. Ekolɛ manyɛ amɛnɔ kunim maye, ni mashwie amɛ kɛje shikpɔŋ lɛ nɔ, ejaakɛ mile jogbaŋŋ akɛ mɔ ni ojɔɔ lɛ lɛ, ajɔɔ lɛ, ni mɔ ni olomɔɔ lɛ lɛ, alomɔɔ lɛ.”