15 Fɔɔ amɛ mu tamɔ bɔ ni ofɔ amɛtsɛ mu lɛ nɔŋŋ,+ koni amɛsɔmɔ akɛ osɔfoi amɛhã mi, ni amɛmufɔɔ nɛɛ hewɔ lɛ, osɔfoyeli lɛ baatsɔ amɛnɔ daa yɛ amɛyinɔi lɛ amli.”+

11 “Finehas,+ ni ji osɔfo Aaron binuu Eleazar binuu lɛ ehã mimli ni wo la ewo Israelbii lɛ sɛɛ efo, ejaakɛ ekpɛlɛɛɛ ni ajá nyɔŋmɔ kroko yɛ misɛɛ* yɛ amɛteŋ.+ No hewɔ ni eyɛ mli akɛ mibiɔ ni ajá mikome too pɛ moŋ, shi mikpãtãaa Israelbii lɛ ahiɛ lɛ.+ 12 No hewɔ lɛ, kɛɛmɔ akɛ, ‘Mikɛ mitoiŋjɔlɛ kpaŋmɔ lɛ miihã lɛ. 13 Ni ebaatsɔ kpaŋmɔ ni baahã lɛ kɛ eseshibii ni baaba yɛ esɛɛ lɛ aye osɔfo daa,+ ejaakɛ ekpɛlɛɛɛ ni ajá nyɔŋmɔ kroko yɛ e-Nyɔŋmɔ lɛ sɛɛ,+ ni ekpãtã ehã Israelbii lɛ.’”