15 Be ni mɛi ni tere Adeka lɛ bashɛ Yordan lɛ naa, ní osɔfoi ni tere Adeka lɛ kɛ amɛnaji mamɔ nui lɛ amli nɔŋŋ pɛ lɛ (yɛ nikpamɔ gbii lɛ amli fɛɛ lɛ, Yordan lɛ yiɔ kɛbaa etoitoii lɛ fɛɛ),+ 16 nui ni hoɔ kɛjɛɔ yiteŋgbɛ kɛbaa lɛ wa damɔ shi. Nui lɛ te shi damɔ shi yɛ shɔŋŋ tamɔ gbogbo,* yɛ Adam, ni ji maŋ ko ni bɛŋkɛ Zaretan lɛ, ni nui ni kpelekeɔ shi kɛyaa Araba lɛ Ŋshɔ, ni ji Ŋoo Ŋshɔ* lɛ, mli lɛ tã. Nui lɛ wa damɔ shi, ni maŋ lɛ fo faa lɛ yɛ Yeriko hiɛ.