10 Kɛkɛ ni Elia kɛɛ akɛ: “Miisɔmɔ Yehowa, ni ji Nyɔŋmɔ taiatsɛ+ lɛ kɛ hiɛdɔɔ kpele; ejaakɛ Israelbii lɛ eku okpaŋmɔ+ lɛ mli, ni amɛkumɔ ofɔleshaa latɛi lɛ, ni amɛkɛ klante egbe ogbalɔi lɛ,+ ni mi pɛ ji mɔ ni eshwɛ. Amrɔ nɛɛ, amɛmiitao amɛgbe mi hu.”*+

12 Yesu bote sɔlemɔ shĩa lɛ ni eyashwie mɛi ni hɔ̃ɔ nii kɛ mɛi ni heɔ nii yɛ sɔlemɔ shĩa lɛ, ni etsirɛ shikatsakelɔi lɛ akpɔlɔi lɛ kɛ mɛi ni hɔ̃ɔ okpoi lɛ asɛii lɛ etswiatswiaa shi.+ 13 Ni ekɛɛ amɛ akɛ: “Aŋma akɛ, ‘Abaatsɛ mishĩa lɛ sɔlemɔ shĩa,’+ shi nyɛ lɛ, nyɛkɛmiifee julɔi atɛkplo.”+

15 Agbɛnɛ, amɛba Yerusalem. Ni eyabote sɔlemɔ shĩa lɛ, ni ebɔi mɛi ni hɔ̃ɔ nii kɛ mɛi ni héɔ nii lɛ shwiemɔ yɛ sɔlemɔ shĩa lɛ, ni etsirɛ shikatsakelɔi lɛ akpɔlɔi lɛ kɛ mɛi ni hɔ̃ɔ okpoi lɛ asɛii lɛ etswiatswiaa shi,+ 16 ni eŋmɛɛɛ gbɛ ni mɔ ko atere nɔ ko kɛtsɔ sɔlemɔ shĩa lɛ. 17 Ni etsɔɔ amɛ nii ni ekɛɛ: “Ani aŋmako akɛ, ‘Abaatsɛ mishĩa lɛ sɔlemɔ shĩa kɛhã jeŋmaji lɛ fɛɛ’?+ Shi nyɛ lɛ, nyɛkɛfee julɔi atɛkplo.”+

13 Agbɛnɛ, Yudafoi lɛ a-Hehoo+ lɛ miihe ashɛ, ni Yesu kwɔ kɛtee Yerusalem. 14 Eyana mɛi ni hɔ̃ɔ tsinai kɛ gwantɛŋi kɛ okpoi,+ kɛ shikatsakelɔi lɛ tara shi yɛ sɔlemɔ shĩa lɛ. 15 No hewɔ lɛ, be ni efee kpãi ni akɛgwaoɔ mɔ lɛ, eshwie amɛ fɛɛ kɛ amɛgwantɛŋi kɛ amɛtsinai lɛ kɛje sɔlemɔ shĩa lɛ, ni etsɔ shikatsakelɔi lɛ ashika lɛ eshwie shi ni etsirɛ amɛkpɔlɔi lɛ etswiatswiaa shi.+ 16 Ni ekɛɛ mɛi ni hɔ̃ɔ okpoi lɛ akɛ: “Nyɛjiea nibii nɛɛ kɛjea biɛ! Nyɛkɛ mi-Tsɛ shĩa lɛ akpaa jarayeli shĩa* feemɔ!”+ 17 Ekaselɔi lɛ kai akɛ aŋma akɛ: “Oshĩa lɛ he hiɛdɔɔ lɛ baaye mi.”+