17 Be ni Abram eye afii 99 lɛ, Yehowa jie ehe kpo etsɔɔ Abram ni ekɛɛ lɛ akɛ: “Miji Nyɔŋmɔ Ofe lɛ. Hii shi akɛ anɔkwafo yɛ mihiɛ,* ní ofee mɔ ni sane ko bɛ ehe.* 2 Mahã mikpaŋmɔ ní yɔɔ mi kɛ bo teŋ lɛ ama shi,+ ni mahã oshwere babaoo diɛŋtsɛ.”+

15 Ni Yehowa bɔfo lɛ jɛ ŋwɛi etsɛ Abraham nɔ ni ji shii enyɔ nɔ 16 ekɛɛ: “Yehowa kɛɛ, ‘Mikɛ mi diɛŋtsɛ mihe miikã kitã akɛ,+ akɛni ofee enɛ ni okamaaa mi obinuu lɛ, obi koome+ lɛ hewɔ lɛ, 17 bɔ fɛɛ bɔ ni fee lɛ majɔɔ bo, ni mahã oseshi* lɛ afa tamɔ ŋwɛi ŋulamii kɛ ŋshɔnaa shia,+ ni oseshi* lɛ baaŋɔ ehenyɛlɔi lɛ agbó* lɛ.+ 18 Ni oseshi+ lɛ nɔ shikpɔŋ lɛ nɔ jeŋmaji fɛɛ baatsɔ aná jɔɔmɔ amɛhã amɛhe, ejaakɛ obo migbee toi.’”+