43 Bɔ ni efee okadii yɛ Ejipt+

Kɛ naakpɛɛ nii yɛ Zoan kpokpaa lɛ nɔ lɛ,

44 Kɛ bɔ ni ehã Nilo nujɔi lɛ tsɔ lá+

Koni amɛkanyɛ amɛnu amɛfai lɛ amli nu lɛ.

45 Etsu filikilɔi bibii babaoo ni kɔ̃ɔ mɔ kɛba koni amɛbaye amɛ awui+

Kɛ kɔkɔdenei koni amɛbakpãtã amɛhiɛ.+

46 Ekɛ amɛŋmɔshi nii lɛ hã agãi ni fiteɔ nii,

Ni ekɛ amɛnitsumɔ lɛ mli yibii lɛ hã baalabii pii.+

47 Ekɛ nyɔŋmɔŋtɛi fite amɛwain ŋmɔji lɛ,+

Ni ekɛ nyɔŋmɔŋtɛi wuji fite amɛsikamore tsei lɛ.

48 Ehã nyɔŋmɔŋtɛi nɛ eshwie amɛnitsumɔ kooloi lɛ anɔ,+

Ni ehã sarawai gbala ewo* kooloi ni amɛlɛɔ lɛ hu.

49 Efɔse emlila lɛ eshwie amɛnɔ,

Egirimɔ lɛ, kɛ emlifu lɛ, kɛ ehaomɔ lɛ hu,

Etsu ŋwɛibɔfoi akui koni amɛhã amɛhe ajara amɛ.

Ehereee amɛ* kɛjeee gbele mli;

Ehã tsɛŋemɔ hela ni gbeɔ mɔ mɔmɔ amɛ.*

51 Agbɛnɛ, egbe Ejipt kromɔbii fɛɛ,+

Mɛi ni ji amɛfɔmɔ hewalɛ shishijee yɛ Ham mama tsũi lɛ amli lɛ.