16 Agbɛnɛ, Yehowa kɛɛ Mose akɛ: “Naa! Eshwɛ fioo ni obaagbo,* ni maŋ nɛɛ baabɔi maŋsɛɛ nyɔŋmɔi ni bɔle amɛ yɛ shikpɔŋ ni amɛyaa nɔ lɛ nɔ lɛ jamɔ.*+ Amɛbaakwa mi,+ ni amɛbaaku mikpaŋmɔ ni mikɛ amɛ kpaŋ lɛ mli.+ 17 Nakai be lɛ mli lɛ, mimli baawo la awo amɛ,+ ni makwa amɛ,+ ni mikɛ mihiɛ baatee amɛ+ kɛyashi amɛhiɛ baakpãtã. Ni be ni amanehului kɛ haomɔi babaoo eba amɛnɔ sɛɛ lɛ,+ amɛbaakɛɛ akɛ, ‘Ani jeee wɔ-Nyɔŋmɔ lɛ ni bɛ wɔteŋ lɛ hewɔ ni amanehului nɛɛ eba wɔnɔ lɛ?’+