4 Lumɛi lɛ kɛɛ maŋtsɛ lɛ akɛ: “Ofainɛ, hã agbe nuu nɛɛ,+ ejaakɛ eehã asraafoi ni eshwɛ yɛ maŋ lɛ mli lɛ, kɛ maŋbii lɛ fɛɛ anijiaŋ miije wui kɛ wiemɔi ni ewieɔ etsɔɔ amɛ lɛ. Ejaakɛ nuu nɛɛ taooo maŋbii nɛɛ toiŋjɔlɛ, moŋ lɛ eetao ni sane fɔŋ aba amɛnɔ.”

6 No hewɔ lɛ, amɛmɔ Yeremia ni amɛshɛ lɛ amɛfɔ̃ Malkia, maŋtsɛ lɛ binuu lɛ bu ni akɛtoɔ nu ni yɔɔ Bulɔi Akpo+ lɛ nɔ lɛ mli. Amɛkɛ kpãi shiu Yeremia amɛwo mli. No mli lɛ, nu bɛ bu ni akɛtoɔ nu lɛ mli, ŋmɔtɔ sɔŋŋ yɔɔ mli, ni Yeremia bɔi fũu yɛ ŋmɔtɔ lɛ mli.