11 Agbɛnɛ, mɛi fɛɛ ni shwɛ yɛ Yerusalem lɛ, kɛ mɛi ni kɛ amɛhe yahã Babilon maŋtsɛ lɛ, kɛ shikpɔŋ lɛ nɔ bii krokomɛi ni shwɛ lɛ fɛɛ lɛ, Nebuzaradan, bulɔi lɛ anɔkwɛlɔ lɛ ŋɔ amɛ nom kɛtee.+ 12 Shi bulɔi lɛ anɔkwɛlɔ lɛ shi shikpɔŋ lɛ nɔ bii ni yeɔ ohia futaa lɛ ateŋ mɛi komɛi yɛ sɛɛ koni amɛsɔmɔ akɛ waintromsaalɔi kɛ okwaafoi ni anyɛɔ amɛnɔ kɛhã nitsumɔ.+

9 Ni Nebuzaradan,+ bulɔi lɛ anɔkwɛlɔ lɛ ŋɔ maŋbii lɛ ateŋ mɛi ni eshwɛ yɛ maŋ lɛ mli lɛ, kɛ mɛi ni tse amɛhe ni amɛkɛ amɛhe ehã lɛ momo lɛ, kɛ mɔ fɛɛ mɔ ni eshwɛ lɛ nom kɛtee Babilon.

10 Shi Nebuzaradan, bulɔi lɛ anɔkwɛlɔ lɛ shi mɛi ni yeɔ ohia futaa lɛ ateŋ mɛi komɛi, mɛi ni bɛ nɔ ko kwraa lɛ, yɛ Yuda shikpɔŋ lɛ nɔ. Yɛ nakai gbi lɛ nɔ hu lɛ, ehã amɛ wain ŋmɔji kɛ ŋmɔji krokomɛi koni amɛtsu mli nii.*+