20 Ni eŋɔ mɛi ni je klante lɛ naa lɛ nom kɛtee Babilon,+ ni amɛtsɔmɔ tsuji amɛhã lɛ+ kɛ ebihii lɛ kɛyashi Persia maŋtsɛyeli lɛ bɔi nɔyeli,+ 21 enɛ ba lɛ nakai koni nɔ ni Yehowa tsɔ Yeremia nɔ ewie lɛ aba mli,+ kɛyashi shikpɔŋ lɛ baaye ehejɔɔmɔ gbii lɛ egbe naa.+ Yɛ gbii fɛɛ ni ekã shi amaŋfɔ lɛ mli lɛ, eeye hejɔɔmɔ gbi, kɛyashi afii 70 lɛ baashɛ.+

1 Bɔ ni afee ni nɔ ni Yehowa tsɔ Yeremia nɔ ewie+ lɛ aba mli lɛ, yɛ Persia maŋtsɛ Koresh+ nɔyeli afi ni ji klɛŋklɛŋ lɛ nɔ lɛ, Yehowa tsirɛ Persia maŋtsɛ Koresh* koni ehã ashiɛ yɛ emaŋtsɛyeli lɛ mli fɛɛ, ni eŋma efɔ̃ shi+ hu akɛ:

2 “Nɔ ni Persia maŋtsɛ Koresh kɛɛ nɛ, ‘Yehowa, ŋwɛii a-Nyɔŋmɔ lɛ kɛ shikpɔŋ lɛ nɔ maŋtsɛyelii lɛ fɛɛ ehã mi,+ ni efã mi ni miyama shĩa mihã lɛ yɛ Yerusalem+ yɛ Yuda. 3 Emaŋbii lɛ ateŋ mɔ fɛɛ mɔ ni yɔɔ nyɛteŋ lɛ, e-Nyɔŋmɔ lɛ, afata ehe koni ekwɔ kɛya Yerusalem yɛ Yuda, ni eyatswa Yehowa, Israel Nyɔŋmɔ lɛ shĩa lɛ ekoŋŋ, lɛ ji anɔkwa Nyɔŋmɔ lɛ, mɔ ni shĩa yɔɔ Yerusalem lɛ.*

2 lɛɛlɛŋ, yɛ enɔyeli afi ni ji klɛŋklɛŋ nɔ lɛ mli lɛ, mi, Daniel, mikwɛ woji* lɛ amli ni mikɔ sɛɛ akɛ, afii abɔ ni atsĩ tã yɛ Yehowa wiemɔ ni ekɛhã gbalɔ Yeremia lɛ mli koni akɛgbe Yerusalem amaŋfɔfeemɔ lɛ naa+ lɛ ji afii 70.+

12 No hewɔ lɛ, Yehowa bɔfo lɛ kɛɛ: “Ao, Yehowa taiatsɛ, mɛɛ beyinɔ nɔŋŋ obaatsĩ omɔbɔnalɛ lɛ naa owo Yerusalem kɛ Yuda maji lɛ+ ní omli ewo la ewo amɛ nɛkɛ afii 70 nɛɛ kɛyashi?”+