29 “Kɛ́ nyɛtao Yehowa, nyɛ-Nyɔŋmɔ lɛ, be ni nyɛyɔɔ jɛmɛ lɛ, kɛ́ nyɛkɛ nyɛtsui fɛɛ kɛ nyɛsusuma* fɛɛ+ tao esɛɛ gbɛ lɛ, nyɛbaana lɛ kɛ̃.+

30 “Kɛ́ wiemɔi nɛɛ fɛɛ ba onɔ, jɔɔmɔ kɛ loomɔ ni mikɛshwie ohiɛ lɛ,+ ni okai nibii nɛɛ*+ yɛ jeŋmaji fɛɛ ni Yehowa, o-Nyɔŋmɔ lɛ, gbɛ bo eshwã amɛmli lɛ ateŋ,+ 2 ni oku osɛɛ kɛba Yehowa, o-Nyɔŋmɔ lɛ ŋɔɔ,+ ni okɛ otsui fɛɛ kɛ osusuma* fɛɛ bo egbee toi yɛ nibii fɛɛ ni mifãa bo ŋmɛnɛ gbi nɛɛ anaa,+ bo kɛ obihii lɛ, 3 no lɛ, Yehowa, o-Nyɔŋmɔ lɛ, baahã onomii lɛ aku amɛsɛɛ kɛba,+ ni ebaana bo mɔbɔ+ ni ebaabua onaa ekoŋŋ kɛjɛ maji fɛɛ ni Yehowa, o-Nyɔŋmɔ lɛ, gbɛ bo eshwã amɛmli lɛ amli.+ 4 Kɛji agbɛ omaŋ lɛ ashwã kɛtee ŋwɛi naagbeehe tete po lɛ, Yehowa, o-Nyɔŋmɔ lɛ, baabua onaa kɛjɛ jɛmɛ, ni ekɛ bo baaku sɛɛ kɛba.+

47 ni amɛhiɛ tserɛ amɛ yɛ shikpɔŋ ni aŋɔ amɛ nom kɛtee nɔ lɛ nɔ,+ ni amɛku amɛsɛɛ kɛba oŋɔɔ,+ ni amɛkpa bo fai koni ona amɛ mɔbɔ yɛ amɛhenyɛlɔ lɛ shikpɔŋ lɛ nɔ+ amɛkɛɛ, ‘Wɔfee esha ni wɔtɔ̃; wɔfee efɔŋ,’+ 48 ni amɛku amɛsɛɛ kɛba oŋɔɔ kɛ amɛtsui+ fɛɛ kɛ amɛsusuma* fɛɛ yɛ amɛhenyɛlɔ lɛ shikpɔŋ ni aŋɔ amɛ nom kɛtee nɔ lɛ nɔ, ni amɛtsɔ amɛhiɛ amɛhã amɛshikpɔŋ lɛ ni okɛhã amɛtsɛmɛi lɛ kɛ maŋ ni ohala lɛ kɛ shĩa ni mima mihã ogbɛ́i lɛ, ni amɛsɔle amɛhã bo lɛ,+

7 Ni mahã amɛ tsui ni amɛkɛle mi, akɛ miji Yehowa.+ Amɛbaatsɔ mimaŋ, ni matsɔ amɛ-Nyɔŋmɔ,+ ejaakɛ amɛkɛ amɛtsui fɛɛ baaku amɛsɛɛ kɛba miŋɔɔ.+