15 Yehowa, amɛtsɛmɛi a-Nyɔŋmɔ lɛ tee nɔ etsu mɛi kɛtee amɛŋɔɔ shii abɔ koni ebɔ amɛ kɔkɔ, ejaakɛ no mli lɛ, emusuŋ miitsɔ lɛ yɛ ewebii lɛ kɛ eshihilɛhe lɛ he. 16 Shi amɛtee nɔ amɛye mɛi ni anɔkwa Nyɔŋmɔ lɛ tsu lɛ ahe fɛo,+ ni amɛbuuu ewiemɔi lɛ akɛ nɔ ko,+ ni amɛli egbalɔi lɛ+ kɛyashi ehiii amɛ tsamɔ dɔŋŋ, ni Yehowa mli wo la ewo ewebii lɛ.+

33 Yɛ nibii fɛɛ ni eba wɔnɔ lɛ amli lɛ, bo lɛ, osane ja, ejaakɛ oyeɔ anɔkwa; shi wɔ moŋ wɔfee efɔŋ.+

7 Ao Yehowa, bo onɔ ji jalɛ lɛ, shi wɔ lɛ, wɔnɔ lɛ ji hiɛgbele lɛ tamɔ bɔ ni eyɔɔ ŋmɛnɛ kɛhã Yuda hii lɛ, kɛ Yerusalembii lɛ, kɛ Israel fɛɛ, mɛi ni bɛŋkɛ kɛ mɛi ni yɔɔ shɔŋŋ, yɛ shikpɔji fɛɛ ni oshwie amɛ kɛtee nɔ yɛ anɔkwa ni amɛyeee bo lɛ hewɔ lɛ.+

16 Ao Yehowa, yɛ ojalɛ nifeemɔi lɛ fɛɛ anaa lɛ,+ ofainɛ, jiemɔ omlifu lɛ kɛ omlila lɛ kɛje omaŋ Yerusalem, ogɔŋ krɔŋkrɔŋ lɛ nɔ; ejaakɛ wɔhe eshai lɛ kɛ wɔtsɛmɛi lɛ atɔmɔi lɛ ahewɔ lɛ, Yerusalem kɛ omaŋbii lɛ etsɔ hiɛgbejianii kɛhã mɛi ni bɔle wɔ lɛ fɛɛ.+