54 “Nuu ni mli jɔ ní nuɔ nii ahe ehãa mɔ, ní yɔɔ nyɛteŋ lɛ po enaŋ enyɛmi nuu loo eŋa ni esumɔɔ lɛ waa loo ebihii ni baashwɛ lɛ mɔbɔ, 55 ni ehãŋ amɛ ebii lɛ aloo ni ebaaye lɛ eko, ejaakɛ bɔ ni kawoo lɛ naa wa sɔŋŋ hã kɛ haomɔ ni ohenyɛlɔ lɛ kɛba omaji lɛ anɔ lɛ hewɔ lɛ, ebɛ nɔ kroko dɔŋŋ.+ 56 Ni yoo ni woɔ ehe ni yitsoŋ ŋɔɔ lɛ ní yɔɔ nyɛteŋ, ní ebaŋ ejwɛŋmɔ mli po akɛ ekɛ enane ama shikpɔŋ yɛ bɔ ni ewoɔ ehe sɔŋŋ+ lɛ hewɔ lɛ hu enaŋ ewu ni esumɔɔ lɛ waa loo ebinuu loo ebiyoo mɔbɔ, 57 enaŋ fɔmɔ sɛɛ nii ni jɛɔ enaji ateŋ kɛ bii ni efɔɔ lɛ po mɔbɔ, ejaakɛ ebaaye amɛ yɛ teemɔŋ yɛ bɔ ni kawoo lɛ naa wa sɔŋŋ hã kɛ haomɔ ni ohenyɛlɔ lɛ kɛba omaji lɛ anɔ lɛ hewɔ.