17 Ni anɔkwa Nyɔŋmɔ lɛ hã oblahii* ejwɛ nɛɛ nilee, kɛ sɛɛyoomɔ yɛ niŋmaa fɛɛ niŋmaa kɛ hiɛshikamɔ fɛɛ hiɛshikamɔ mli; ni ahã Daniel nu ninai kɛ lamɔi srɔtoi fɛɛ ashishi.+

20 Sane fɛɛ sane ni biɔ hiɛshikamɔ kɛ niiashishinumɔ ni maŋtsɛ lɛ baabi amɛ mli lɛ, enaa akɛ amɛhi shii nyɔŋma kwraa fe majikfeelɔi lɛ kɛ okɔmfoi+ lɛ ni yɔɔ enɔyeli lɛ mli lɛ fɛɛ.

11 Nuu* ko yɛ omaŋtsɛyeli lɛ mli ni nyɔŋmɔi krɔŋkrɔŋi lɛ amumɔ yɛ emli. Yɛ otsɛ gbii lɛ amli lɛ, ana akɛ ejwɛŋmɔ mli egbele, ni eyoɔ nii asɛɛ, ni eyɛ hiɛshikamɔ tamɔ nyɔŋmɔi lɛ ahiɛshikamɔ lɛ.+ Otsɛ Maŋtsɛ Nebukadnezar wó lɛ majikfeelɔi lɛ, kɛ okɔmfoi lɛ, kɛ Kaldeabii* lɛ, kɛ ŋulamiiaŋkwɛlɔi lɛ anɔ onukpa;+ maŋtsɛ, otsɛ fee enɛ. 12 Ejaakɛ Daniel, mɔ ni maŋtsɛ lɛ tsɛ lɛ Belteshazar+ lɛ yɛ mumɔ ni nɔ bɛ kɛ nilee, kɛ sɛɛyoomɔ bɔ ni ebaanyɛ etsɔɔ lamɔi ashishi, ni ebaanyɛ egbala ajenui amli, ni efɛne saji ni mli wala tamɔ kpɔi ni ehiii fɛnemɔ.*+ No hewɔ lɛ, hã ayatsɛ Daniel kɛba ni ebaatsɔɔ bo niŋmai lɛ ashishi.”