Yitso 9
Fa 10: Nyɔŋmɔ Afii Akpe Maŋtsɛyeli Lɛ Ebɛŋkɛ
WALA MLI NI ABAA YƐ BE MLI NI AFII AKPE LƐ BAA NAAGBEE
29. Gbɛ ni Nyɔŋmɔ ŋmɛ ni eha ekrɔŋkrɔŋbii lɛ aŋsra lɛ kɛ maŋ ni asumɔɔ lɛ najiaŋdamɔlɔi lumɛi lɛ je mli lɛ tsɔɔ akɛ etsu mɛni yɛ amɛhe?
29 Mɛɛ naanɔ wala ni yɔɔ nyam ka shi kɛha adesa nɛkɛ! Yehowa Nyɔŋmɔ haa “mɛi krɔŋkrɔŋ Iɛ aŋsra” kɛ “maŋ ni asumɔɔ lɛ” mli lumɛi ni yɔɔ shikpɔŋ nɔ lɛ jeɔ “Gog lɛ kɛ Magog” Satan Abonsam kɛ edaimonioi ahiɛkpatamɔ lɛ mli! Mɛni enɛ tsɔɔ fe akɛ Nyɔŋmɔ eŋmala amɛgbɛi yɛ “wala wolo” lɛ mli aloo ehaa amɛgbɛi hiɔ “wala wolo” lɛ mli? Enɛ tsɔɔ akɛ E-bu amɛ bem akɛ jalɔi ejaakɛ amɛhiɛɔ emuuyeli mli amɛhaa lɛ, ni yɛ no hewɔ lɛ, amɛbafataa Nyɔŋmɔ Bi Yesu Kristo kɛ ehefatalɔi gboshiniyelɔi 144,000 lɛ ahe amɛkɛ yijiemɔ haa Mɔ ni bɔ nii kpakpai fɛɛ ni ji Nyɔŋmɔ Ofe lɛ nɔyeli lɛ. Beni Yehowa Nyɔŋmɔ ebu amɛ akɛ jalɔi lɛ tsɔɔ akɛ eha amɛ hegbɛ akɛ amɛbote naanɔ wala mli yɛ amɛ paradeiso shihilɛhe lɛ.
30. (a) Mɛi ni jeɔ naagbee kaa Iɛ mli yɛ omanyeyeli mli lɛ baahiɛ namɔ nyɔmɔ loo amɛbaada namɔ shi daa ni nɛgbɛ ji heni amɛbaadamɔ kɛya naanɔi (b) Mɛɛ be mli “amɛbaa wala mli” diɛŋtsɛ?
30 Ŋwɛi Maŋtsɛ, Osɔfo kɛ Kojolɔ, Yesu Kristo ji mɔ ni kɛtsɔ suɔmɔ ni ekɛye adesai anɔ afii akpe lɛ nɔ lɛ, enyɛ ekɛ heshibalɔi ni sumɔɔ lɛ ba nɛkɛ jalɛ shihilɛ ni yeɔ emuu nɛɛ mli yɛ heloo gbɛfaŋ lɛ. Kɛji akɛ enyɛɛɛ etsu enɛ yɛ afii akpe lɛ naagbee mli lɛ, belɛ eeeshashao shi akɛ ekɛ amɛ aaaha Kojolɔ ni Fe Fɛɛ, ni ji Yehowa Nyɔŋmɔ kɛha naagbee kaa lɛ. Mɛni hewɔ? Ejaakɛ ebaale akɛ kɛji amɛbɛ jalɛ ni yeɔ emuu lɛ, amɛnyɛŋ amɛtsɔ Nyɔŋmɔ kaa lɛ mli kɛ omanyeli koni amɛna naanɔ wala. No hewɔ lɛ, amɛdamɔɔ Yehowa “anɔkwa buu” aloo ejalɔi asɔlemɔwe lɛ shikpɔŋ nɔ kpo lɛ nɔ yɛ heloo gbɛfaŋ jalɛ ni yeɔ emuu mli. Jɛmɛ amɛdamɔɔ kɛyaa naanɔ amɛkɛ emuuyeli ni gbugbaa kɛ sɔɔmɔ krɔŋŋ ni akɛ haa Nuntsɔ Maŋtsɛ Yehowa lɛ tsɔɔ kaa lɛ mli amɛkɛyeɔ kunim. Amɛbaakahe amɛtsɔmɔ Nyɔŋmɔ Bi Yesu Kristo nii kɛya naanɔ, mɔ ni jɛ esuɔmɔ mli ehole amɛnɔ kɛshɛ nɛkɛ jalɛ ni yeɔ emuu lɛ he koni ekɛ no aye odase akɛ egbe Nuntsɔ Yesu ni ji Kpɔlɔ kɛ Yiwalaherelɔ lɛ nitsumɔ lɛ naa kwraa. No hewɔ lɛ, amɛbaahi wala diɛŋtsɛ mli yɛ nakai be lɛ mli!
31. “Gbohii ni eshwɛ” lɛ nine shɛɔ mɛni nɔ yɛ Kristo nɔyeli afii akpe lɛ anaagbee, ni mɛni baa Adam gbele lɛ nɔ?
31 Yɛ anɔkwale ni enɛ ji hewɔ lɛ, wɔbaanyɛ wɔna bɔni ja ni wiemɔ ni yɔɔ Kpojiemɔ 20:5 lɛ ja lɛ: “Gbohii ni eshwɛ lɛ ahiɛ nako atsɛ kɛyashi beyinɔ ni aaagbe afii akpe lɛ naa.” Eji Yesu Kristo kɛ egboshiniyelɔi 144,000 lɛ ni na gbɛfaŋnɔ yɛ “klɛŋklɛŋ shitee” lɛ mli lɛ kɛ afii akpe lɛ shishijee nitsumɔ lɛ tsuuu amɛhe nii kulɛ, nɛkɛ wala ni yeɔ emuu nɛɛ nyɛŋ afee “gbohii ni eshwɛ” lɛ agbɛfaŋnɔ yɛ afii akpe lɛ naagbee. Nakai be lɛ mli diɛŋtsɛ ‘gbele (ni wɔna kɛjɛ Adam mli) jie gbohii ni yɔɔ emli lɛ eha ni ashɛ gbele afɔ la kpaakpo lɛ mli koni egbo “gbele ni ji enyɔ lɛ” aloo ekaba shihilɛ mli dɔŋŋ.’ (Kpoj. 20:13, 14) Kɛkɛ lɛ enɛ baafee anɔkwale taakɛ atsɔ hiɛ awie yɛ 1 Korintobii 15:25, 26: “Shi ja eye maŋtsɛ kɛyashi beyinɔ ni eeŋɔ henyɛlɔi lɛ fɛɛ eto enajiashi. Naagbee henyɛlɔ ni abaafo esɛɛ ji gbele.”
32. Kpojiemɔ 21:3, 4 baaba mli kwraa agbɛnɛ yɛ mɛɛ gbɛ nɔ?
32 Kɛkɛ lɛ abaawie gbele ni wɔna kɛjɛ eshafeelɔ Adam mli lɛ he yɛ anɔkwale mli akɛ: “Ni Nyɔŋmɔ diɛŋtsɛ kɛ amɛ aaahi shi, ni eeetsɔ amɛ-Nyɔŋmɔ. Ni Nyɔŋmɔ aaatsumɔ amɛhiɛaŋ yaafonui fɛɛ, ni gbele bɛ dɔŋŋ, ni ŋkɔmɔyeli ko kɛ bolɔmɔ ko kɛ nɔnaa ko hu bɛ dɔŋŋ; ejaakɛ tsutsu nii lɛ eho etee.”—Kpoj. 21:3, 4.
33. (a) Yɛ mɛɛ gbɛ nɔ mɛi ni nine shɛɔ nakai wala babaoo lɛ nɔ lɛ baajie amɛhe kpo akɛ mɛi ni sa akɛ ahaa amɛ wala sɛɛ kɛɔ kɛyashiɔ naanɔ? (b) Yɛ mɛɛ gbɛ nɔ amɛbaayoo anɔkwale ni Romabii 6:23 lɛ ji yɛ amɛ diɛŋtsɛ amɛmli?
33 Ani mɛi fɛɛ ni eba wala mli yɛ nakai emuuyeli lɛ mli yɛ afii akpe lɛ naagbee mli lɛ baahala akɛ amɛbaahi shi kɛya naanɔ lo? Amɛbaanyɛ amɛhi shi kɛya naanɔ kɛtsɔ amɛhe kpo ni amɛaaajie akɛ mɛi ni sa kɛha naanɔ wala ni jɛɔ Yehowa Nyɔŋmɔ ni ji wala fɛɛ Jɛɛhe Kpele lɛ ŋɔɔ lɛ. Yɛ amɛsusuma muu fɛɛ mli emuuyeli mlihiɛmɔ kɛha Lɛ lɛ he kaa lɛ ni amɛye mli kunim hewɔ lɛ, gbɔmɛi anɔkwafoi nɛɛ baana yibaamɔ kɛ naanɔ wala yɛ miishɛɛ mli akɛ nyɔmɔwoo ko ni jara wa. Yɛ enɛ hewɔ lɛ, amɛbaale yɛ amɛ diɛŋtsɛ amɛmli akɛ; “Nyɔŋmɔ dromɔ-keenɔ lɛ naanɔ walaŋ yɛ Kristo Yesu, wɔ-Nuntsɔ lɛ mli.” (Rom. 6:23) Eji Nyɔŋmɔ kɛ esuɔmɔ Bi koome lɛ tsuuu nii yɛ nɛkɛ gbɛ nɔ kulɛ, enɛ ebahiŋ kɛhaŋ adesa weku lɛ.
34, 35. (a) Mɛni ji wɔhiɛnɔkamɔ kɛha “asafo babaoo” lɛ ni dani “amanehului babaoo” Iɛ aaaje shishi po lɛ amɛwo atadei yɛji kɛmiisɔmɔ yɛ Yehowa mumɔŋ sɔlemɔwe lɛ? (b) Mɛɛ henumɔi ni Korabii Iɛ yɔɔ yɛ Yehowa kpoi lɛ ahe “mɛi ni ejaaa” ni abaatee amɛ shi lɛ po baanyɛ ana?
34 Kwɛ bɔni gbomɔ tsui baanya aha yɛ nakai be lɛ mli beni aaaja Nyɔŋmɔ mɔ ni gbɛi ji Yehowa lɛ yɛ emumɔŋ sɔlemɔwe lɛ kpoi lɛ anɔ yɛ shikpɔŋ nɔ lɛ! Eji anɔkwale yɛ “asafo babaoo” lɛ ni efo “amanehulu kpeteŋkpele” lɛ he yɛ afii akpe ni yɔɔ nyam lɛ shishijee mli akɛ: “amɛfɔ amɛtadei lɛ ahe, ni amɛha eyɛ futaa yɛ toobi lɛ la lɛ mli. No hewɔ ni amɛyɔɔ Nyɔŋmɔ maŋtsɛsɛi lɛ hiɛ, ni amɛjaalɛ nyɔɔŋ kɛ shwane yɛ esɔlemɔtsu lɛ mli lɛ.” (Kpoj. 7:9, 14, 15) “Asafo babaoo” lɛ mli bii ni amɛha amɛtadei eyɛ futaa nɛɛ baahi shi yɛ Nyɔŋmɔ mumɔŋ sɔlemɔtsu lɛ kpoi lɛ anɔ yɛ afii akpe lɛ mli fɛɛ kɛyashi emuuyeli mlihiɛmɔ kɛha Nuŋtsɔ Maŋtsɛ Yehowa he kaa be lɛ naagbee beni afii akpe lɛ eba naagbee. Akɛ mɛi ni abaatee amɛshi kɛjɛ amɛgbohii abui amli yɛ afii akpe lɛ mli lɛ baaba Yehowa mumɔŋ sɔlemɔwe lɛ kpoi lɛ anɔ yɛ shikpɔŋ nɔ koni amɛbaja lɛ ni amɛsɔmɔ lɛ yɛ jɛmɛ. Kɛtsɔ botemɔ ni amɛaaabote Yehowa tsɔɔmɔ mli yɛ jɛmɛ lɛ nɔ lɛ, “mɛi ni ejaaa” ni abaatee amɛ shi lɛ hu baanu he taakɛ Kora Levinyo lɛ bii lɛ nu he lɛ:
35 “Ejaakɛ gbi kome too ni aaaye yɛ okpoi lɛ anɔ lɛ ehi fe gbii akpe; miisumɔ ni maka mi-Nyɔŋmɔ we lɛ shinaa lɛ shi moŋ fe nɔ ni mahi shi yɛ efɔŋfeemɔ buui lɛ amli lɛ. Ejaakɛ Yehowa Nyɔŋmɔ lɛ, hulu kɛ tsɛŋ ji lɛ. Yehowa droɔ mɔ ni ewoɔ mɔ hiɛ nyam; mɛi ni nyiɛɔ emuuyeli mIi lɛ, ekamaaa amɛ nɔ kpakpa ko nɔ kpakpa ko.”—Lala 84:11, 12.
36. Mɛɛ hiɛsɔɔ ni David jie Iɛ kpo yɛ Nyɔŋmɔ sɔlemɔwe lɛ he mɛi ni amɛtswa amɛfai shi akɛ amɛaahiɛ amɛ emuuyeli mli lɛ baana?
36 Mɛi ni etswa amɛfai shi akɛ amɛbaajɛ tsui muu fɛɛ mli amɛhiɛ emuuyeli mli amɛha anɔkwa Nyɔŋmɔ hiɛkalɔ koome lɛ baana hiɛsɔɔ amɛha mumɔŋ nibii ni David wie he beni ekɛɛ takɛ: “Nɔ kome mibiɔ yɛ Yehowa dɛŋ, no sɛɛgbɛ mitaoɔ akɛ mahi shi yɛ Yehowa we lɛ miwala gbii abɔ fɛɛ, ni mana Yehowa mlihilɛ lɛ, ni makwɛ esɔlemɔwe lɛ.”—Lala 27:4.
37, 38. (a) Mɛɛ shishijee shihilɛ mli akɛ Yehowa “naneshi maaŋoo” lɛ baaba mli yɛ naagbee? (b) Ani paradeiso diɛŋtsɛ mli ŋɔɔmɔ pɛ mɛi ni baahi “enaneshi maaŋoo” lɛ nɔ lɛ baana, ni yɛ mɛɛ gbɛ nɔ amɛaahere tsɛmɔ ni Lalai lɛ amli naagbee nɔ lɛ kɛhaa lɛ nɔ?
37 Kɛkɛ lɛ, shikpɔŋ muu nɛɛ fɛɛ baatsɔ e-Bɔlɔ lɛ jamɔhe. ‘Enaneshi maaŋoo ni’ shi ‘esɛi’ ji ŋwɛi. (Yes. 66:1) E-ŋwɛi maŋtsɛsɛi lɛ hiɛ yɛ nyam; abaaha enaneshi maaŋoo ni yɔɔ shikpɔŋ nɔ lɛ hiɛ aba nyam bɔni sa kɛha enane maahe. Shikpɔŋ lɛ nɔ he fɛɛ he baatsɔ paradeiso, tamɔ Eden Abɔɔ ni ji Yehowa trom lɛ. (1 Mose 2:8; 13:10) Ebaafee miishɛɛ kɛ nyamɔhe, ejaakɛ wala shihilɛ yɛ jɛmɛ baafee nɔ ni eyi obɔ kɛ miishɛɛ sɔŋŋ kɛha ejalɔi ni amɛjeee mɛi ni ‘Nyɔŋmɔ anunyam lɛ ebɔ amɛ dɔŋŋ.’ Amɛfɛɛ amɛbaana Nyɔŋmɔ gbeyeishemɔ sui yɛ hefɛo babaoo mli, ni amɛbaana amɛkɛ Nyɔŋmɔ teŋ wekukpaa kpakpa, ni tsɔɔ akɛ amɛbaana amɛhe yɛ mumɔŋ Paradeiso kɛ shikpɔŋ nɔ Paradeiso lɛ fɛɛ mli. Mɛɛ shihilɛ ni tsirɛɔ susuma muu lɛ ni ejie Bɔlɔ Kpele lɛ yi yɛ nibii kpakpai nɛɛ fɛɛ Jɛɛhe ni eji lɛ hewɔ! Amɛkɛ gbee kpakpai ni akɛlaa kɛ lalai fɛɛ ni amɛkase lɛ baajie E-yi daa. Amɛbaafata ŋwɛi asafo lɛ he kɛya naanɔ amɛkɛhere naagbee Lala ni jɛ mumɔŋ lɛ nɔ akɛ:
38 “Nyɛjiea (Yehowa) Mawu yi yɛ ehekrɔŋkrɔŋ lɛ; nyɛjiea eyi yɛ ehewalɛ atatu lɛŋ! Nyɛjiea eyi yɛ ehewalɛ nitsumɔi lɛ ahewɔ; nyɛjiea eyi yɛ edalɛ babaoo lɛ naa! Nyɛjiea eyi kɛ tɛtrɛmantrɛ kpamɔ; nyɛjiea eyi kɛ obɛnta kɛ saŋku! Nyɛjiea eyi kɛ miji kɛ joo; nyɛjiea eyi kɛ kpaai-asaŋkui kɛ blɛ! Nyɛjiea eyi kɛ ŋoŋoi ni naa wa; nyɛjiea eyi kɛ ŋoŋoi ni jijeɔ! Nɔ fɛɛ nɔ ni muɔ lɛ ajie Yehowa yi! Haleluya!—Lala 150:1-6.