Ani Obaafee Yehowa Suɔmɔnaa Nii?

Wɔmiida bo shi waa akɛ ohe be kɛkase wolo nɛɛ, ni ehã ole mɛi ni Yehowa Odasefoi ji, nɔ ni wɔtsuɔ, kɛ bɔ ni ato wɔhe gbɛjianɔ ahã. Wɔheɔ wɔyeɔ akɛ ehã ona akɛ wɔji mɛi ni feɔ Yehowa suɔmɔnaa nii ŋmɛnɛ. Wɔmiiwo bo hewalɛ ni oya nɔ okase Nyɔŋmɔ he nii babaoo, ni ogba owekumɛi kɛ onanemɛi nɔ ni okaseɔ lɛ, ni oba Kristofoi akpeei ni wɔfeɔ lɛ ashishi daa.​—Hebribii 10:23-25.

Be ni oyaa nɔ okaseɔ Yehowa he nii lɛ, obaana akɛ Yehowa sumɔɔ bo waa diɛŋtsɛ. Enɛ baatsirɛ bo ni ofee bɔ fɛɛ bɔ ni obaanyɛ ni okɛtsɔɔ akɛ osumɔɔ lɛ. (1 Yohane 4:8-10, 19) Shi, mɛɛ gbɛ nɔ obaanyɛ okɛ onifeemɔi atsɔɔ akɛ osumɔɔ Nyɔŋmɔ? Mɛni hewɔ ehi akɛ obaabo Nyɔŋmɔ mlai ni kɔɔ jeŋba he lɛ toi? Ni mɛni baaye abua bo ni okɛ wɔ afee ekome kɛfee Nyɔŋmɔ suɔmɔnaa nii? Mɔ ni kɛ bo kaseɔ Biblia lɛ baaná he miishɛɛ waa akɛ ebaaye ebua bo ni oná sanebimɔi nɛɛ ahetoo koni bo kɛ oweku lɛ fɛɛ ‘aya nɔ ahi Nyɔŋmɔ suɔmɔ lɛ mli ni nyɛná naanɔ wala.’​—Yuda 21.

Wɔmiiwo bo hewalɛ ni oya ohiɛ yɛ anɔkwale lɛ ni okaseɔ lɛ mli kɛtsɔ wolo ni nyiɛ sɛɛ nɛɛ ni obaakase lɛ nɔ Bɔ Ni Ooofee Ohi Nyɔŋmɔ Suɔmɔ Lɛ Mli.