LALA 152
Tsũ Ni Baahã Ajie Oyi Daa
(1 Maŋtsɛmɛi 8:27; 1 Kronika 29:14)
1. Yehowa wɔ-Nuŋtsɔ kɛ Nyɔŋmɔ,
Onɔ ji shikpɔŋ kɛ ŋwɛi fɛɛ.
Ŋwɛi edaaa hãaa bo, Nyɔŋmɔ Ofe,
Ni onyɛŋ ohi tsũ nɛɛ mli.
Shi omumɔ krɔŋkrɔŋ baawa wɔ
Koni wɔsɔmɔ bo yɛ biɛ.
Hã wɔfee ekome be fɛɛ be
Koni otsui anyɔ omli.
(NƆ NI FOƆ TEŊ)
Nibii fɛɛ ni wɔyɔɔ,
Nyɔŋmɔ, odɛŋ wɔná yɛ.
Wɔkɛbaawo ohiɛ nyam;
Wɔkɛbaahã bo kwraa.
(NƆHEREMƆ)
Wɔhiɛ sɔɔ onitsumɔi fɛɛ kwa,
Wɔbaalá kɛda bo shi waa.
Wɔkɛ miishɛɛ ekpa tsũ nɛɛ gbɛ;
Ebaahã ajie oyi daa.
2. Yehowa Nyɔŋmɔ, ole akɛ
Tsũ nɛɛ kã wɔtsui nɔ jogbaŋŋ.
Nibii fɛɛ ni he hiaa owebii,
Wɔnine shɛɔ nɔ yɛ be naa.
O-Bi lɛ ehã wɔ nitsumɔ
Ni baahã mɛi aná wala.
Wa wɔ koni wɔtsu kɛ ekãa
Koni oyiŋtoo aba mli.
(NƆ NI FOƆ TEŊ)
Wɔbe kɛ hewalɛ
Kɛ wɔnibii kpakpai fɛɛ—
Wɔkɛ fɛɛ baasɔmɔ bo,
Wɔ-Drolɔ kɛ Nyɔŋmɔ.
(NƆHEREMƆ)
Wɔhiɛ sɔɔ onitsumɔi fɛɛ kwa,
Wɔbaalá kɛda bo shi waa.
Wɔkɛ miishɛɛ ekpa tsũ nɛɛ gbɛ;
Ebaahã ajie oyi daa.