‘Gbekɛbii Sumɔɔ Po Kɛkɛ’

Wekui akpekpei abɔ enya My Book of Bible Stories lɛ he. Biblia mli saji 116 ni yɔɔ mli lɛ haa nikanelɔ lɛ naa nɔ ni Biblia lɛ tsɔɔ lɛ fɛɛ he jwɛŋmɔ ko. Afi nɛɛ shishijee mli ni mɔ ko ni jɛ Western Australia tsɔɔ bɔ ni sɛɛnamɔ yɔɔ nɛkɛ wolo nɛɛ he lɛ mli, akɛ:

“Minitsumɔ ji nitsɔɔmɔ, ni mibɔɔ mɔdɛŋ ni makanya gbekɛbii ni mitsɔɔ amɛ nii lɛ ni amɛtu amɛ skul nitsumɔ lɛ fɛɛ amɛwo Nyɔŋmɔ kɛ Yesu dɛŋ, taakɛ bɔ ni mi hu mifeɔ yɛ nii ni mitsuɔ mihaa gbekɛbii lɛ mli lɛ. Mikɛ nitsumɔ ni ka minɔ akɛ makane nyɛwolo ni ji ‘Book of Bible Stories’ lɛ ni mihe kɛjɛ nyɛ Odasefoi lɛ ni ba miŋɔɔ lɛ ateŋ mɔ kome dɛŋ lɛ maha miklass gbekɛbii lɛ. Gbekɛbii lɛ sumɔɔ wolo lɛ, emli saji lɛ, ni amɛkpaa mi fai akɛ mikane babaoo mitsɔɔ amɛ beni mikpa ekanemɔ lɛ.”

Ani gbekɛbii komɛi yɛ ni ole akɛ amɛ hu amɛbaanya My Book of Bible Stories wolo lɛ he? Onine baanyɛ ashɛ ekome nɔ kɛ oŋmala nɔ ni ataoɔ yɛ wolo ni yɔɔ shishigbɛ nɛɛ nɔ ni okɛmaje wɔ. Wolo lɛ hiɛ baafai 256, ni edalɛ tamɔ wolo tɛtrɛɛ ni ohiɛ nɛɛ. Mfonirii fɛfɛji ni yɔɔ mli lɛ fe 125.

Nyɛfainɛ nyɛkɛ My Book of Bible Stories wolo lɛ ekome amajea mi, mikɛ ₵380 efata he kɛmiiwo nyɔmɔ.