“Ekomefeemɔ kɛ Nyɛmifeemɔ He Nɔkwɛmɔnɔ” Ko

Nakai ji bɔ ni yoo ko tsɔɔ Yehowa Odasefoi anifeemɔi amli yɛ be mli ni ehao yɛ eweku mlinyo ko gbele he lɛ sɛɛ. Etsɔɔ mli akɛ:

“Miisumɔ ni madamɔ mi kɛ miweku lɛ najiaŋ mada Odasefoi ni yɔɔ Italy asafo ni yɔɔ Freiburg, Germany lɛ ashi. Miweku lɛ mli bii lɛ jeee Yehowa Odasefoi, ja minyɛminuu Antonio kɛ eŋa Anna pɛ. Wɔkɛ bei saŋŋ ewie eshi jamɔ ni amɛhala lɛ, eyɛ mli akɛ wɔkɛ bulɛ haa jamɔ lɛ be fɛɛ be.

“Shi, amrɔ nɛɛ esa akɛ wɔtsake wɔjwɛŋmɔi. Eji anɔkwale akɛ, wɔna nyɛmifeemɔ kɛ suɔmɔ nɔkwɛmɔnɔ ni kulɛ wɔkpaŋ gbɛ kɔkɔɔkɔ lɛ mli niiashikpamɔ.

“Mɔbɔ sane ji akɛ, Anna gbo kpatu gbele yɛ tsɔne mli oshara mli. Akɛni wɔyɔɔ Italy hewɔ lɛ, wɔnyɛ wɔkɛ minyɛminuu Antonio kɛ ebii lɛ hi shi be fioo. Shi enyɛmimɛi Odasefoi lɛ baye amɛbua lɛ. Amɛye amɛbua lɛ kɛtsɔ jɛmɛ ni amɛyɔɔ, amɛwiemɔi, amɛhemɔkɛyeli, amɛ gbɔmɔtsoŋ, jeŋbaŋ, kɛ shika sɛɛfimɔ nɔ. Akɛni mi pɛ minyɛŋ mada asafo lɛ shi hewɔ lɛ, masumɔ ni mada amɛ shi kɛtsɔ nyɛwolo tɛtrɛɛ lɛ nɔ yɛ amɛ ekomefeemɔ kɛ nyɛmifeemɔ he nɔkwɛmɔnɔ ni wɔhiɛ kpaŋ nɔ lɛ hewɔ.”

Hiɛ esɔ nɛkɛ yoo nɛɛ mlihilɛ wiemɔi lɛ. Taakɛ eyɔse lɛ, Yehowa Odasefoi ji majimaji ateŋ nyɛmimɛi. (1 Petro 2:17) Amɛjieɔ suɔmɔ ni mli wa kpo yɛ amɛteŋ, akɛni amɛle akɛ suɔmɔ “ji emuuyeli kpaa lɛ” hewɔ. (Kolosebii 3:14) Yɛ shihilɛi ni yɔɔ gbeyei, ni baanyɛ aba wɔ fɛɛ wɔnɔ lɛ mli po lɛ, Yehowa Odasefoi kɛ amɛhe kpɛtɛɔ Nyɔŋmɔ kɛ ewebii lɛ ahe gbagbalii.—Abɛi 18:24; Jajelɔ 9:11; Yohane 13:34, 35.