Emli Saji

Gbɛshɔ̃lɔi kɛ amɛniji shɔ̃ɔ gbɛ́i fɛfɛji. Yɛ nikasemɔi enyɔ nɛɛ amli lɛ, wɔbaana nɔ hewɔ ni wɔbaanyɛ wɔkɛɛ akɛ Yehowa ji Gbɛshɔ̃lɔ Kpeteŋkpele lɛ, kɛ nɔ ni esa akɛ wɔfee koni eya nɔ eshɔ̃ wɔ.

Kɛ́ akɛɛ “Yehowa, wɔ-Nyɔŋmɔ lɛ, Yehowa kome ni” lɛ, te atsɔɔ tɛŋŋ? Ni kɛ́ wɔnu enɛ shishi lɛ, mɛɛ gbɛ nɔ ebaahã wekukpãa ni yɔɔ wɔ kɛ lɛ teŋ lɛ mli awa? Mɛɛ gbɛ nɔ ebaasa wekukpãa ni yɔɔ wɔ kɛ wɔnyɛmimɛi Kristofoi lɛ ateŋ lɛ he? Wɔjɛ maji srɔtoi kɛ wekui srɔtoi amli, no hewɔ lɛ, esa akɛ wɔIe bɔ ni Yehowa miisumɔ ni wɔhi shi wɔhã, bɔ ni afee ni eya nɔ efee “wɔ-Nyɔŋmɔ.”

Wɔ fɛɛ wɔtɔ̃ɔ, ni wɔtɔmɔi lɛ baanyɛ agba mɛi krokomɛi anaa. No hewɔ lɛ, kɛ́ mɔ ko tɔ̃ wɔnɔ, yɛ wiemɔ mli jio, nifeemɔ mli jio lɛ, mɛɛ Biblia mli saji baanyɛ aye abua wɔ ni wɔna bɔ ni esa akɛ wɔfee wɔnii wɔhã yɛ he?