Emli Saji

Yesu kɛɛ wɔtao Maŋtsɛyeli lɛ klɛŋklɛŋ, jeee heloonaa nibii. No hewɔ lɛ, mɛni baaye abua wɔ ni wɔkatiu heloonaa nibii asɛɛ? Mɛɛ gbɛ nɔ wɔbaanyɛ wɔhã wɔshihilɛ afee mlɛo koni wɔná be pii kɛhã Yehowa sɔɔmɔ? Wɔbaasusu Yesu wiemɔi ni woɔ mɔ hewalɛ ni yɔɔ Mateo 6:25-34 lɛ he. Yesu wie wiemɔi nɛɛ be ni ehãa Gɔŋ nɔ Shiɛmɔ lɛ, ni amɛbaaye amɛbua wɔ ni wɔhã sanebimɔi nɛɛ ahetoo.

Yesu bɔ esɛɛnyiɛlɔi lɛ kɔkɔ ni ‘amɛya nɔ amɛbu,’ ni esa akɛ wɔkɛ hiɛdɔɔ asusu kɔkɔbɔɔ nɛɛ he yɛ naagbee gbii nɛɛ amli. (Mat. 24:42) Nɔ kome ni baaye abua wɔ ni wɔnyɛ wɔfee nakai ji, ni wɔbaahã wɔhiɛ ahi wɔhe nɔ yɛ nibii ni baanyɛ ahã wɔhiɛ aje wɔhe nɔ lɛ ahe. Nikasemɔ nɛɛ baatsɔɔ wɔ nibii ni baaye abua wɔ ni wɔnyɛ wɔfee nakai.

Wɔnáa Yehowa duromɔ lɛ he sɛɛ yɛ gbɛi srɔtoi anɔ. Nikasemɔi enyɔ nɛɛ baatsɔɔ wɔ gbɛi nɛɛ ekomɛi. Kɛfata he lɛ, amɛbaawo wɔ hewalɛ ni wɔtsɔɔ mɛi krokomɛi bɔ ni amɛbaafee amɛná suɔmɔ kpele ni Yehowa ejie kpo etsɔɔ wɔ lɛ he sɛɛ, ejaakɛ kɛ́ wɔfee nakai lɛ, no baatsɔɔ akɛ wɔhiɛ sɔɔ Yehowa duromɔ lɛ.