Emli Saji

Nikasemɔ nɛɛ tsɔɔ wɔ bɔ ni wɔbaanyɛ wɔtsɔ wɔheloonaa nibii lɛ anɔ ‘wɔfee nanemɛi’ yɛ ŋwɛi. (Luka 16:9) Kɛfata he lɛ, etsɔɔ wɔ nɔ ni esa akɛ wɔfee koni wɔkatsɔmɔ nyɔji wɔhã shikataomɔ kɛ jarayeli, kɛ bɔ ni wɔbaafee wɔsɔmɔ Yehowa jogbaŋŋ kɛmɔ shi.

Kɛ́ Kristofonyo ko mɔ ko gbo lɛ, mɛni baaye abua lɛ koni enyɛ edamɔ dɔlɛ lɛ naa? Yehowa tsɔɔ Yesu Kristo, Ŋmalɛi lɛ, kɛ Kristofoi asafo lɛ nɔ eshɛjeɔ wɔmii. Nikasemɔ nɛɛ tsɔɔ wɔ bɔ ni wɔbaafee wɔshɛje wɔ diɛŋtsɛ wɔmii, ni wɔshɛje mɛi krokomɛi ni yeɔ ŋkɔmɔ lɛ hu amii.

Lala 147 lɛ woɔ Nyɔŋmɔ webii lɛ hewalɛ shii abɔ ni amɛjie Yehowa yi. Mɛɛ nibii ahewɔ lalatsɛ lɛ shwe waa akɛ ajie Yehowa yi lɛ? Nikasemɔ nɛɛ baatsɔɔ wɔ. Kɛfata he lɛ, ebaatsɔɔ wɔ nɔ hewɔ ni esa akɛ wɔ hu wɔná he miishɛɛ akɛ wɔbaajie wɔ-Nyɔŋmɔ lɛ yi.

Nyɛmimɛi oblahii kɛ oblayei babaoo kɛ amɛhe miiwo be fɛɛ sɔɔmɔ nitsumɔ lɛ mli, ni amɛmiisɔmɔ kɛ ekãa. Ani obaasumɔ ni ofata amɛhe? Nikasemɔ nɛɛ hãa wɔ ŋaawoo kpakpa ni damɔ Ŋmalɛi lɛ anɔ ni baaye abua bo ni okpɛ oyiŋ yɛ nilee mli, koni wɔsɛɛ lɛ otsui anyɔ omli ni oná miishɛɛ.