Emli Saji

Kɛjɛ blema tɔ̃ɔ lɛ, lala lamɔ fata nibii ni Yehowa webii feɔ kɛjáa lɛ lɛ ahe. Shi efeɔ mɛi komɛi hiɛgbele akɛ amɛbaalá yɛ mɛi ateŋ. Mɛni baaye abua wɔ ni wɔnyɛ wɔlá kɛjie Yehowa yi ni wɔsheee gbeyei? Nikasemɔ nɛɛ baahã wɔna yiŋtoi kpakpai ahewɔ ni esa akɛ wɔlá waa kɛ miishɛɛ, ni ebaatsɔɔ wɔ nibii komɛi ni wɔbaanyɛ wɔfee koni wɔnyɛ wɔlá jogbaŋŋ.

Nibii pii yɛ ni wɔbaanyɛ wɔkase yɛ gbɛjianɔ ni ato kɛhã abobaa maji yɛ Israel lɛ mli. Yɛ klɛŋklɛŋ nikasemɔ lɛ mli lɛ, wɔbaana nibii ni esa akɛ mɔ ko ni efee esha lɛ afee kɛtsɔɔ akɛ eeba Yehowa abo. Yɛ nɔ ni ji enyɔ lɛ mli lɛ, wɔbaakwɛ bɔ ni Yehowa nɔkwɛmɔnɔ lɛ yeɔ ebuaa wɔ ni wɔkɛ eshai ake, wɔbu wala, ni wɔye jalɛsane.

Nikasemɔi enyɔ nɛɛ damɔ ŋaa ni akɛ mumɔ tsirɛ Paulo ni ewo Kristofoi ni yɔɔ Kolose lɛ nɔ. Klɛŋklɛŋ nɔ lɛ tsɔɔ wɔ nɔ ni esa akɛ wɔfee kɛji wɔnu je lɛ susumɔ ko ni mɛi pii nyaa he loo etamɔ nɔ ni jwɛŋmɔ yɔɔ mli. Nɔ ni ji enyɔ lɛ kaiɔ wɔ bɔ ni wɔbaafee wɔkwa sui ni baanyɛ ahã jɔɔmɔi ni Yehowa ewo shi akɛ ekɛbaahã wɔ lɛ aŋmɛɛ wɔ.