Emli Saji

Ŋmɛnɛ lɛ, mɛi babaoo miisumɔ ni amɛhiɛ aba nyam yɛ gbɔmɛi ahiɛ. Nikasemɔ nɛɛ baatsɔɔ wɔ nɔ hewɔ ni esa akɛ wɔbɔ mɔdɛŋ waa koni wɔye Yehowa anɔkwa ni wɔhiɛ aba nyam yɛ ehiɛ lɛ. Nɔ ko nɔ ko bɛ ni fe enɛ. Agbɛnɛ hu, wɔbaana bɔ ni Yehowa feɔ ewoɔ etsuji ahiɛ nyam, bei komɛi lɛ, yɛ gbɛ ni amɛkpaaa gbɛ kwraa nɔ.

Yɛ nikasemɔ nɛɛ mli lɛ, wɔbaasusu nɔ hewɔ ni nuu anɔkwafo Mose eyaaa Shiwoo Shikpɔŋ lɛ nɔ lɛ he. Agbɛnɛ hu, wɔbaana nɔ ni esa akɛ wɔfee koni wɔkatɔ̃ tɔmɔ ni Mose tɔ̃ lɛ eko.

Yehowa nii ji gbɔmɛi fɛɛ, ni no hewɔ lɛ, eesumɔ ni wɔjá ekome too pɛ. Mɛi komɛi gboɔ Yehowa nɔ toi, shi amɛkwaa amɛfeɔ amɛnii oookɛɛ amɛyeɔ lɛ anɔkwa. Yɛ klɛŋklɛŋ nikasemɔ lɛ mli lɛ, wɔbaakwɛ nɔ ni wɔkaseɔ yɛ Kain, Solomon, Mose, kɛ Aaron he saji ni aŋmala yɛ Biblia lɛ mli lɛ amli. Nikasemɔ ni ji enyɔ lɛ baatsɔɔ wɔ gbɛi srɔtoi ni wɔbaanyɛ wɔtsɔ nɔ wɔhã Yehowa ana akɛ wɔhiɛ sɔɔ hegbɛ ni wɔna akɛ ewebii ji wɔ lɛ.