Emli Saji

Yɛ klɛŋklɛŋ nikasemɔ lɛ mli lɛ, wɔbaana nibii komɛi ni baanyɛ ahã ewa kɛhã wɔ akɛ wɔbaale anɔkwale fɛɛ ni yɔɔ sane ko mli. Agbɛnɛ hu, wɔbaana Biblia mli shishitoo mlai ni baaye abua wɔ ni wɔnyɛ wɔtao saji amli jogbaŋŋ ni wɔle kɛji amɛyɛ mli loo amɛbɛ mli. Nikasemɔ ni ji enyɔ lɛ baawie nibii etɛ ni bei pii lɛ mɛi damɔɔ nɔ amɛkojoɔ mɛi krokomɛi lɛ ahe. Agbɛnɛ hu, ebaatsɔɔ wɔ nibii ni baaye abua wɔ ni wɔkadamɔ bɔ ni mɛi ji yɛ kponɔgbɛ lɛ nɔ wɔkojo amɛ.

Yehowa ni bɔ wɔ, ni eesumɔ ni wɔná miishɛɛ yɛ shihilɛ mli. Kɛ́ wɔ kɛ lɛ fee ekome kɛtsu nii be fɛɛ be, ni wɔfee esuɔmɔnaa nii lɛ, wɔbaaná miishɛɛ. Nikasemɔi enyɔ nɛɛ baahã wɔna gbɛi srɔtoi ni wɔbaanyɛ wɔtsɔ nɔ wɔfee mɛi ejurɔ. Wɔbaana hu akɛ, kɛ́ wɔfee mɛi ejurɔ lɛ, wɔnáa he sɛɛ.