Emli Saji
OCTOBER 29, 2018–NOVEMBER 4, 2018
3 “Kɛji Nyɛle Nibii Nɛɛ Ni Nyɛkɛtsu Nii Lɛ, Nyɛyɛ Miishɛɛ”
Ja wɔkɛ nilee ni wɔyɔɔ lɛ etsu nii dani wɔbaaná he sɛɛ, ni heshibaa ji nɔ ni baatsirɛ wɔ ni wɔfee nakai. Yɛ nikasemɔ nɛɛ mli lɛ, wɔbaasusu mɛi komɛi ni awie amɛhe yɛ Biblia lɛ mli ni shiɛ amɛhã mɛi srɔtoi fɛɛ, amɛsɔle amɛhã mɛi krokomɛi, ni amɛto amɛtsui amɛmɛ koni Yehowa atsu saji ahe nii ahã amɛ lɛ ahe. Enɛ baaye abua wɔ ni wɔba wɔhe shi.
8 Kristofoi Ni Edara Yɛ Afii Amli—Yehowa Hiɛ Sɔɔ Anɔkwa Ni Nyɛyeɔ Lɛ Lɛ
NOVEMBER 5-11, 2018
12 Yaa Nɔ Otswa Onyɛmimɛi Oma Shi Yɛ Suɔmɔ Mli
Wɔyɛ bei ni jaraa amli, no hewɔ lɛ, ewaaa akɛ naagbai baahã wɔnijiaŋ aje wui loo wɔhao. Yehowa kɛ Yesu baaye abua wɔ. Shi eji wɔteŋ mɔ fɛɛ mɔ sɔ̃ akɛ ewo enyɛmi hewalɛ ni eshɛje emii. Nikasemɔ nɛɛ baaye abua wɔ ni wɔna gbɛi ni wɔbaanyɛ wɔtsɔ nɔ wɔtswa wɔnyɛmimɛi lɛ wɔma shi yɛ suɔmɔ mli.
NOVEMBER 12-18, 2018
17 Mɛi Ni Sɔmɔɔ “Miishɛɛ Nyɔŋmɔ Lɛ” Yɛ Miishɛɛ
Yehowa ji “miishɛɛ Nyɔŋmɔ lɛ” ni eesumɔ ni etsuji aná miishɛɛ. Shi te wɔbaafee tɛŋŋ wɔná miishɛɛ yɛ naagbai kɛ kai ni wɔkɛkpeɔ yɛ Satan je lɛ mli lɛ fɛɛ sɛɛ? Yɛ Gɔŋ Nɔ Shiɛmɔ lɛ mli lɛ, Yesu tsɔɔ wɔ nibii ni kɛ́ wɔfee lɛ, wɔbaaná miishɛɛ ŋmɛnɛ kɛ daa.
22 Enyiɛ Atswa?
NOVEMBER 19-25, 2018
23 Yehowa Ji Ofe—Kɛ̃lɛ Esusuɔ Wɔhe
NOVEMBER 26, 2018–DECEMBER 2, 2018
28 Susumɔ Mɛi Krokomɛi Ahe Tamɔ Bɔ Ni Yehowa Feɔ Lɛ
Ŋmɛnɛ lɛ, mɛi pii susuɔ amɛ pɛ amɛhe. Shi jeee nakai eji yɛ Yehowa webii ateŋ, ejaakɛ wɔsumɔɔ mɛi asane. Nɔ kome ni wɔfeɔ kɛtsɔɔ nakai ji akɛ, wɔsusuɔ mɛi ahe. Nikasemɔi enyɔ nɛɛ baawie su nɛɛ he. Yɛ klɛŋklɛŋ nɔ lɛ mli lɛ, wɔbaana bɔ ni Yehowa etsɔɔ akɛ esusuɔ mɛi ahe, ni yɛ nɔ ni ji enyɔ lɛ mli lɛ, wɔbaana bɔ ni wɔbaafee wɔkase lɛ.