Emli Saji

Nikasemɔi enyɔ nɛɛ baaye abua wɔ ni wɔhiɛ asɔ anɔkwalei ni wɔkase yɛ Biblia lɛ mli lɛ waa. Anɔkwale lɛ jara wa fe nibii fɛɛ ni wɔkɛshã afɔle koni wɔnine ashɛ nɔ lɛ. Agbɛnɛ hu, nikasemɔi nɛɛ baaye abua wɔ ni wɔya nɔ wɔbu anɔkwale lɛ akɛ nɔ ko ni jara wa ni wɔkɛ nɔ ko nɔ ko akatsake.

Habakuk wolo lɛ hãa wɔnaa akɛ, kɛ́ wɔkɛ shihilɛi ni mli wawai kpe po lɛ, wɔbaanyɛ wɔya nɔ wɔkɛ wɔhiɛ afɔ̃ Yehowa nɔ. Nikasemɔ nɛɛ baaye abua wɔ ni wɔna akɛ ekɔɔɔ he eko haomɔi, piŋmɔi, kɛ naagbai ni mli wawai ni wɔkɛbaakpe lɛ, kɛ́ wɔtee nɔ wɔkɛ wɔhiɛ fɔ̃ Yehowa nɔ lɛ, ebaahere wɔyiwala.

Kɛ́ wɔhã wekukpaa ni yɔɔ wɔ kɛ Yehowa teŋ lɛ mli wa waa lɛ, wɔbaana akɛ esusumɔi lɛ anɔ kwɔlɔ fe wɔnɔ lɛ. Nikasemɔi enyɔ nɛɛ baaye abua wɔ koni wɔkahã susumɔi ni mɛi ni yɔɔ je lɛ mli lɛ hiɛ lɛ shɔ̃ wɔ, shi moŋ, wɔtsake wɔjwɛŋmɔ koni ekɛ Yehowa nɔ lɛ akpã gbee.