Teokrase Sɔɔmɔ Skul Niŋmaa Kaa
Wolo-naa-ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ May 1 kɛyashi August 21, 1995. Okɛ wolo kroko atsu nii ni okɛŋmala hetooi abɔ ni ooonyɛ lɛ yɛ be ni ato lɛ mli.
[Kadimɔ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]
Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:
1. Nyɔŋmɔ jamɔ ji mɔ diɛŋtsɛ sane, ni edamɔɔɔ bɔ ni wɔkɛ mɛi krokomɛi yeɔ haa lɛ nɔ yɛ gbɛ ko kwraa nɔ. (1 Yoh. 4:20) [uw-GA bf. 134 kk. 7]
2. Ŋaawoo ni nɔyeli kuu lɛ kɛha Jeŋmajiaŋbii Kristofoi lɛ akɛ amɛtsi amɛhe kɛjɛ wɔŋjamɔ, lá, kɛ ajwamaŋbɔɔ he lɛ damɔ Mose Mla lɛ nɔ. (Bɔf. 15:28, 29) [uw-GA bf. 149 kk. 8]
3. Ato ni kulɛ Mose Mla lɛ akɔ adesai fɛɛ he. (Lala 147:19, 20) [uw-GA bf. 147 kk. 5]
4. Yesaia yitso 53, ni aŋma aaafee afii 700 dani afɔ Kristo lɛ, tamɔ saji ni akɛ hiŋmɛi na ni atsɔɔ mli fitsofitso ni wieɔ Yesu Kristo he kɛ bɔ ni afee lɛ lɛ hu he. [si bf. 119 kk. 8]
5. Nyɛminuu Russell tsɔɔ bɔ ni enijiaŋ je wui waa eha akɛ akɛ lɛ eyaaa ŋwɛi yɛ 1914. [jv bf. 62 kk. 3]
6. He ko kwraa bɛ je lɛ mli ni ŋaawoo ni jɛɔ jɛmɛ baa lɛ baanyɛ ekɛ ŋaawoo kpakpa ni Biblia lɛ kɛhaa yɛ weku saji ahe lɛ aye egbɔ. [uw-GA bf. 144 kk. 11]
7. Abɛi awolo lɛ tsuɔ wɔnaagbai ahe nii kɛmɔɔ shi yɛ ŋaawoo ni ekɛhaa akɛ wɔkɛ wɔhiɛ afɔ Nyɔŋmɔ nɔ kwraa lɛ mli. [si bf. 111 kk. 35]
8. Atsɔɔ mli yɛ kpee ko ni afee yɛ Washington, D.C. yɛ 1935 lɛ shishi yɛ faŋŋ mli akɛ, esaaa akɛ ŋmɛnɛŋmɛnɛ beaŋ Yonadab bii lɛ yeɔ Yehowa anɔkwa taakɛ mɛi ni afɔ amɛ mu lɛ feɔ lɛ nɔŋŋ. [jv bf. 83 kk. 5, bf. 84 kk. 1]
9. Kɛ naagbai ba gbalashihilɛ mli lɛ, anɔkwa Kristofonyo lɛ kɛ ehefatalɔ lɛ fatɔɔi tsuŋ nii ni ekɛjie enaa akɛ no nɔ edamɔɔ ekuɔ ehiɛ eshwieɔ egbɛnaa nii anɔ. [uw-GA bf. 140-1 kk. 4, 5]
10. Saji ni Salomo jaje yɛ Jajelɔ wolo lɛ mli akɛ nibii fɛɛ ji yakayaka nii lɛ kɔɔ nɔ fɛɛ nɔ he ni ajieee nɔ ko kɛjɛɛɛ mli. [si bf. 114 kk. 15]
Ha sanebimɔi ni nyiɛ sɛɛ nɛɛ ahetoo:
11. Mɛɛ nitsɔɔmɔ nitsumɔ ko Nyɛminuu Russell kɛ enanemɛi lɛ kɛ ekãa je ehe nitsumɔ shishi yɛ 1912? [jv bf. 59 kk. 5, bf. 60 shishigbɛ niŋmaa]
12. Mɛni ji nɔ ni kaa sɔrɔtoi ni ba Biblia Kaselɔi lɛ anɔ kɛjɛ 1914 kɛbashi 1918 lɛ jieɔ lɛ kpo? [jv bf. 61 kk. 1]
13. Mɛɛ nɔyaa ni sa kadimɔ waa diɛŋtsɛ ashɛ he yɛ kpee ko ni afee yɛ Columbus, Ohio, yɛ 1931 lɛ shishi? (Yes. 43:12) [jv bf. 79 kk. 4, bf. 82 kk. 2]
14. Mɛɛ Ŋmalɛ mli sanesɛɛkɔmɔ ajie lɛ kpo yɛ 1942 yɛ maŋshiɛmɔ ni ji “Toiŋjɔlɛ—Ani Esɛɛ Baanyɛ Atsɛ?” lɛ mli, ni mɛni hewɔ maŋshiɛmɔ nɛɛ he saneyitso lɛ kanyaa sane hesusumɔ waa lɛ? [jv bf. 93 kk. 2]
15. Mɛɛ skul hee ko awo asafoi lɛ ahewalɛ yɛ 1943 akɛ amɛje shishi, ni mɛni jɛ mli ba? [jv bf. 94 kk. 2, 3]
16. Kɛfata lá ni agbalaa awoɔ mɔ mli lɛ he lɛ, tsɔɔmɔ gbɛi krokomɛi etɛ ni mɔ ko baanyɛ aye lá yi sɔ̃ yɛ Nyɔŋmɔ hiɛ. [uw-GA bf. 155-6 kk. 3-6]
17. Ákɛ nɔ ni kɛ Abɛi 1:2-4 kpaa gbee lɛ, Abɛi awolo lɛ maa mɛni nɔ mi? [si bf. 109 kk. 19]
18. Tsii gbɛɛmɔ tsɔnei enyɔ ni Asafo lɛ kɛtsu nii waa yɛ 1920 kɛ 1930 afii lɛ amli akɛshiɛ sanekpakpa lɛ agbɛi atã. [jv kk. 80-1, 87]
19. Mɛɛ be klɛŋklɛŋ Maŋtsɛyeli Sɔɔmɔ Skul klas lɛ je shishi, ni mɛni ji eyiŋtoo? [jv bf. 102 kk. 3]
20. Mɛɛ nikasemɔi ni abaanyɛ akɛtsu nii átsɔɔ yɛ Salomo Lalai Amli Lala Lɛ ni ŋɔɔ lɛ mli? [si bf. 117 kk. 16]
Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:
21. Nyɛminuu Russell gbe eshikpɔŋ nɔ nitsumɔ naa yɛ October 31, 1916, ni ․․․․․․․ batsɔ Asafo lɛ sɛinɔtalɔ ni baye esɛɛ. [jv bf. 63 kk. 3, bf. 65 kk. 2]
22. Biblia Kaselɔi lɛ kɛ ekãa ja ․․․․․․․ wolo lɛ yɛ 1917 kɛ 1918, ni yɛ shitee-kɛ-woo ni osɔfoi kɛba lɛ hewɔ lɛ, Nyɛminuu Rutherford kɛ nanemɛi kpawo yaje ․․․․․․․ ni yɔɔ Atlanta, Georgia lɛ mli. [jv bf. 69 kk. 3, bf. 70 kk. 1]
23. Nyɛminuu Rutherford yɛ tsuŋwoo he lɛ ni eŋma wolo ko ni akane atsɔɔ nyɛmimɛi ni ebabua amɛhe naa kɛha Buu Mɔɔ Asafo lɛ daa afi kpee ni afee yɛ 1919 lɛ mli akɛ, “Satan dɛŋdadei ni fe fɛɛ ji ․․․․․․․, ․․․․․․․, kɛ ․․․․․․․.” [jv bf. 72 kk. 3, bf. 73 kk. 7]
24. Nyɛminuu Rutherford jaje yɛ majimaji ateŋ kpee ni afee yɛ 1922 yɛ Cedar Point, Ohio lɛ shishi akɛ: “Esa akɛ je lɛ ale akɛ Yehowa ji Nyɔŋmɔ, ni ákɛ Yesu Kristo ji maŋtsɛmɛi a-Maŋtsɛ . . . No hewɔ lɛ ․․․․․․․, ․․․․․․․, ․․․․․․․ lɛ kɛ ․․․․․․․ lɛ he ․․․․․․․.” [jv bf. 72 kk. 1]
25. Nyɛminuu Rutherford gbe eshikpɔŋ nɔ nitsumɔ naa yɛ January 8, 1942, ni gbii enumɔ sɛɛ lɛ, Nyɛminuu ․․․․․․․ batsɔ Asafo lɛ sɛinɔtalɔ. [jv bf. 89 kk. 3, bf. 90 kk. 3]
Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:
26. Ato Gilead skul kɛha maŋsɛɛ sanekpakpa shiɛlɔi lɛ ama shi yɛ (1919; 1935; 1943). [jv bf. 95 kk. 2]
27. Ajie New World Translation of the Christian Greek Scriptures lɛ kpo klɛŋklɛŋ yɛ (1946; 1950; 1953), ni akɛ ŋwɛi gbɛi, Yehowa lɛ wo mli ekoŋŋ ni fɛɛ feɔ shii (154; 193; 237). [jv bf. 99 kk. 2]
28. Abaanyɛ ana odaseyeli ni tsɔɔ akɛ Salomo ji mɔ ni ŋma Jajelɔ lɛ ejaakɛ (egbɛi jeɔ kpo yɛ wolo lɛ mli fɛɛ; mɛi ni ŋma Biblia woji krokomɛi lɛ tsɛɔ egbɛi akɛ lɛ ji eŋmalɔ; wolo lɛ diɛŋtsɛ tsɔɔ faŋŋ akɛ Salomo ji mɔ ni ŋma yɛ be mli ni etsɔɔɔ egbɛi). [si bf. 112 kk. 4]
29. Atsɔɔ mli yɛ 1932 akɛ Yehonadab (Yonadab), Maŋtsɛ Yehu naanyo lɛ tsɔ hiɛ efee gbɔmɛi akuu ko ni (baafee ŋwɛi kuu ni ji enyɔ; baana naanɔ wala yɛ shikpɔŋ nɔ mli ŋɔɔmɔ; amɛhiɛŋ shidaamɔ ni yɔɔ shiŋŋ mli kɛhaŋ anɔkwale lɛ) he mfoniri. [jv bf. 83 kk. 3]
30. Salomo Lalai Amli Lala Lɛ maa (Salomo nitsumɔ akɛ maŋtsɛ; Salomo nifalɛ kpeteŋkpele; anɔkwa ni gbekɛ yoo ni yɔɔ maŋ ko mli lɛ ye gbekɛ nuu tookwɛlɔ ko) lɛ nɔ mi. [si bf. 115 kk. 2]
Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:
Abɛi 22:3; Jaj. 7:21, 22; Yes. 13:19, 20; Mat. 5:23, 24; Kol. 3:18-20, 23, 24
31. Eyɛ mli akɛ Yehowa tsɔɔɔ naakpɛɛ gbɛ nɔ ekɛbuuu etsuji ahe kɛjɛɛɛ osharai, maŋ ta, loo awuiyeli he moŋ, shi ŋaalee kpakpa ni damɔ Biblia nɔ ni akɛaatsu nii lɛ he baanyɛ aba sɛɛnamɔ. [Daa otsi Biblia kanemɔ; kwɛmɔ wGA 92 1/1 bf. 17 kk. 23.]
32. Ayɛ yiŋtoo kpakpa hewɔ ni esaaa akɛ ajeɔ gbalɛ ni jɛ mumɔŋ lɛ mlibaa he ŋwane kɔkɔɔkɔ lɛ. [Daa otsi Biblia kanemɔ; kwɛmɔ wGA 93 5/15 bf. 5-6.]
33. Anɔkwa Kristofonyo tsɔɔ hiɛ ehaa ekɛ enyɛmimɛi ateŋ toiŋjɔlɛ wekukpaa yaa hiɛ. [uw-GA bf. 135 kk. 10]
34. Nɔyaa baa yɛ weku ekomefeemɔ lɛ mli, jeee ni aŋkroaŋkroi lɛ amɛ koni mɔ kroko lɛ afee he nɔ ko, shi akɛ mɔ fɛɛ mɔ baatsu lɛ diɛŋtsɛ egbɛfaŋnɔ jogbaŋŋ, ni ekɛtsɔɔ akɛ lɛ diɛŋtsɛ lɛ etsuɔ Nyɔŋmɔjamɔ hetuu-kɛhamɔ he nii yɛ shia. [uw-GA bf. 143 kk. 10]
35. Kaakpa emuuyeli gbɛ yɛ gbɛ ni esaaa nɔ yɛ bo loo okɛ adesai krokomɛi ni yeee emuu lɛ anaanyobɔɔ mli. [Daa otsi Biblia kanemɔ; kwɛmɔ w90 3/1 bf. 8.]