Adafitswai
◼ Woji ni akɛbaatsu nii yɛ August: Abaanyɛ akɛ woji bibii ni hiɛ baafai 32 ni nyiɛ sɛɛ nɛɛ eko fɛɛ eko atsu nii: Ani Esa akɛ Ohe Triniti lɛ Oye?, Ani Nyɔŋmɔ Susuɔ Wɔhe Lɛlɛŋ?, Beni Mɔ Ko ni Osumɔɔ Lɛ Egbo, Mɛni Ji Yiŋtoo ni Yɔɔ Shihilɛ Sɛɛ—Te Ooofee Tɛŋŋ Ole Hu?, Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, kɛ Nɔyeli Ni Kɛ Paradeiso Baaba. Kɛ ebaahi lɛ, abaanyɛ akɛ woji bibii ni ji Gbohii lɛ Amumɔi—Ani Amɛbaanyɛ Amɛye Amɛbua Bo Loo Amɛhao Bo? Ani Amɛyɛ Diɛŋtsɛ?, Our Problems—Who Will Help Us Solve Them?, Wolo Kɛha Gbɔmɛi Fɛɛ, kɛ Will There Ever Be a World Without War? aha. September: Nilee Ni Kɛ Mɔ Yaa Naanɔ Wala Mli. October: Buu-Mɔɔ kɛ Awake! lɛ shɛɛ. November: Nilee Ni Kɛ Mɔ Yaa Naanɔ Wala Mli.
◼ Akɛ gbɛtsɔɔmɔ hee ni tsɔɔ gbɛ ni atsɔɔ nɔ ashɛɔ service forms lɛ eha asafoi fɛɛ. Esa akɛ Sɔɔmɔ Ajinafoi Akuu lɛ akwɛ koni amɛkɛ enɛɛmɛi atsu nii. Nyɛfainɛ, nyɛkaia akɛ esa akɛ akɛ service forms lɛ atsu nibii ni ehe hiaa akɛ akɛtsu lɛ pɛ ahe nii.
◼ Asafo fɛɛ asafo nine baashɛ “Literature Inventory” woji (S-18) etɛ nɔ. Esa akɛ asafoŋ woloŋmalɔ lɛ kɛ asafoŋ sɔɔlɔ ni kwɛɔ woji anɔ lɛ akpe yɛ August shishijee mli, ni amɛto be ni amɛkɛbaabu woji ni asafo lɛ yɔɔ lɛ he akɔntaa yɛ nyɔŋ lɛ naagbee mli. Esa akɛ akane woji ni yɔɔ lɛ fɛɛ ekomekome, ni aŋmala fɛɛ yibɔ lɛ awo “Literature Inventory” wolo lɛ nɔ. Nine baanyɛ ashɛ woji tɛtrɛbii abɔ ni yɔɔ lɛ anɔ kɛjɛ asafoŋ sɔɔlɔ ni kwɛɔ woji tɛtrɛbii anɔ lɛ dɛŋ. Nyɛfainɛ ni nyɛkɛ klɛŋklɛŋ nɔ lɛ amajea Asafo lɛ dani September 6 aho. Akɛ ekroko lɛ ato woji amli. Abaanyɛ akɛ wolo ni ji etɛ lɛ atsu nii akɛ nɔ ni akɛbaabu akɔntaa. Esa akɛ asafoŋ woloŋmalɔ lɛ akwɛ woji lɛ akanemɔ lɛ nɔ, koni onukpai asɛinɔtalɔ lɛ akwɛ nɔ ni aŋmala lɛ akɛ eja lo. Asafoŋ woloŋmalɔ lɛ kɛ onukpai asɛinɔtalɔ lɛ kɛ amɛwaonaa gbɛi baawo wolo lɛ shishi.
◼ Esa akɛ Asafoŋ Sɔɔmɔ Ajinafoi Akuu lɛ atsu gbɛbimɔ woji kɛha daa gbɛgbamɔ kɛ be kukuoo gbɛgbamɔ krɛdɛɛ nitsumɔ lɛ he nii oya. Sɔɔmɔ ajinafoi lɛ akamɛ kɛmiikwɛ akɛ mɔ ni kɛ gbɛbimɔ wolo lɛ haa lɛ baanyɛ ashɛ ŋmɛlɛtswai ni ataoɔ lɛ he lo. Abaanyɛ atsake be ni akɛbaahala mɔ lɛ trukaa yɛ gbɛbimɔ wolo lɛ nɔ kɛ gbi ni atsɔɔ akɛ akɛbaaje shishi lɛ shɛ dani nine shɛ gbɛbimɔ wolo lɛ nɔ. Ahalaaa mɔ lɛ dani gbi ni atsɔɔ akɛ ekɛbaaje shishi lɛ ashɛ, ákɛ ja saji ni he hiaa ni haa shihilɛ tsakeɔ lɛ yɛ dã. Kɛ shihilɛ ni tamɔ nakai yɛ lɛ, no lɛ esa akɛ aŋma wolo kɛfata gbɛbimɔ wolo lɛ he.—Kwɛmɔ nɔ ni aŋma ahɔ September 1986 Wɔ Maŋtsɛyeli Sɔɔmɔ lɛ kukuji 24-26 lɛ mli.
◼ Kɛ́ agbe Ha o-Maŋtsɛyeli lɛ Aba wolo lɛ naa lɛ, abaakase woji bibii srɔtoi kɛtsara nɔ yɛ Asafo Woloŋ Nikasemɔ lɛ shishi. Atswa adafi yɛ May 1998 Wɔ Maŋtsɛyeli Sɔɔmɔ lɛ mli akɛ, kɛjɛ September 21 lɛ nɔ kɛyaa lɛ, abaakase Taoɔ wolo bibioo lɛ. Ni nɔ ni baanyiɛ enɛ sɛɛ ji Mɛni Ji Yiŋtoo ni Yɔɔ Shihilɛ Sɛɛ—Te Ooofee Tɛŋŋ Ole Hu? kɛ Ani Nyɔŋmɔ Susuɔ Wɔhe Lɛlɛŋ?