Adafitswai

◼ Woji ni akɛbaatsu nii yɛ November: Nilee Ni Kɛ Mɔ Yaa Naanɔ Wala Mli. December: Nilee Ni Kɛ Mɔ Yaa Naanɔ Wala Mli, kɛ New World Translation lɛ. January: Woji fɛɛ ni hiɛ baafai 192 ni afee dani 1985 shɛ ni ekolɛ asafo lɛ yɔɔ eko lɛ. Asafoi ni bɛ woji ni tamɔ nakai lɛ, baanyɛ amɛkɛ True Peace and Security​—How Can You Find It? wolo lɛ atsu nii. February: Nɔ Diɛŋtsɛ ni Kɛ Weku Miishɛɛ Baa.

◼ Hegbɛi ni anaa kɛfãa gbɛ kɛyaa maŋsɛɛ ebafee nɔ ni waaa kwraa yɛ afii nɛɛ amli. Enɛ hewɔ lɛ, wɔnyɛmimɛi lɛ ateŋ mɛi pii eto gbɛjianɔ koni amɛyasara maji krokomɛi. Amɛfɔɔ Asafo nitsumɔhe niji lɛ yaa ni amɛyabibiɔ saji. Nitsumɔhe niji lɛ yɛ he miishɛɛ akɛ amɛkɛ Maŋtsɛyeli Asai adrɛsii kɛ bei ni akɛyaa kpeei aaaha koni akɛye abua ni nine ashɛ asafoi ni yɔɔ jɛmɛ lɛ anɔ. Agbɛnɛ hu, amɛnyɛɔ amɛkɛ nitsumɔhe nine lɛ ni aaayasara jɛmɛ lɛ he gbɛtsɔɔmɔ haa. Shi kɛlɛ, amaniɛbɔi tsɔɔ akɛ, abiɔ nibii krokomɛi kɛfataa he, ni ji gbɛfãa he gbɛjianɔtoi, wɔɔhei, hei ni gbɔi yasaraa, kɛ saji krokomɛi ni tamɔ nakai. Nitsumɔhe nine lɛ leee enɛɛmɛi, ni asaŋ amɛbɛ dekã ni amɛkɛ saji ni tamɔ enɛ aaaha. Aawo saralɔi hewalɛ koni amɛyana mɛi ni ji gbɛfãa he nitsulɔi, aloo maŋsɛɛ hei ni yɔɔ fɛo saramɔ he nitsulɔi ni titri lɛ amɛkɛ saji haa mɛi ni fãa gbɛ kɛyakwɛɔ hei ni yɔɔ fɛo lɛ.

◼ Nyɛmimɛi fɔɔ Asafo ni yɔɔ maŋsɛɛ lɛ nitsumɔhe niji lɛ woji ŋmalamɔ amɛkɛtaoɔ nanemɛi. Mɛi komɛi hu ŋmaa koni ake amɛ woji, kasɛt, kɛ nibii krokomɛi ni tamɔ nakai. Akɛ mlihilɛ miikai nyɛmimɛi koni amɛkwa nifeemɔ ni tamɔ nɛkɛ. Enɛɛmɛi ji mɛi aŋkroaŋkroi asaji ni kɔɔɔ Asafo lɛ aloo nitsumɔhe niji lɛ ahe.

◼ Woji ni Nine Eshɛ Nɔ:

Watchtower Publications Index 1997

◼ Woji ni Nine Eshɛ nɔ Ekoŋŋ:

Wolo Kɛha Gbɔmɛi Fɛɛ—Blɔfo, Ewe, Ga, kɛ Twi

Mɛni Nyɔŋmɔ Taoɔ yɛ Wɔdɛŋ?—Blɔfo, Ewe, Ga, kɛ Twi

Mɛni Ji Yiŋtoo ni Yɔɔ Shihilɛ Sɛɛ? Te Ooofee Tɛŋŋ Ole Hu?—Blɔfo, Ewe, Ga, kɛ Twi

Ani Nyɔŋmɔ Susuɔ Wɔhe Lɛlɛŋ?—Blɔfo, Ewe, Ga, kɛ Twi

Sing Praises to Jehovah (Ewulu lɛ)—Blɔfo

◼ Kasɛtii ni Ayɔɔ: Adeka folo ni akɛ kasɛt woɔ mli