Teokrase Sɔɔmɔ Skul Niŋmaa Kaa
Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ September 7 kɛyashi December 21, 1998. Okɛ wolo kroko atsu nii ni okɛŋmala hetooi abɔ ni ooonyɛ lɛ yɛ be ni ato lɛ mli.
[Kadimɔ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]
Ha sanebimɔi ni nyiɛ sɛɛ nɛɛ ahetoo akɛ Anɔkwale loo Amale:
1. Yɛ 2 Timoteo 1:6 lɛ, “duromɔ keenɔ” ni awie he lɛ kɔɔ nyɛmɔ ni ayɔɔ ni akɛwieɔ wiemɔi srɔtoi ni akɛha Timoteo kɛtsɔ Nyɔŋmɔ mumɔ krɔŋkrɔŋ lɛ nɔ lɛ he. [Daa otsi Biblia kanemɔ; kwɛmɔ w85-GA 11/1 bf. 13 kk. 15.]
2. Kristofonyo ni eda yɛ mumɔŋ lɛ ‘tsɔseɔ ehenumɔnii koni ele ekpakpa kɛ efɔŋ mlikpamɔ’ kɛtsɔ esu ni ekɛfeɔ akɛ ekɛ Nyɔŋmɔ Wiemɔ lɛ he nilee fɛɛ eko ni enáa lɛ baatsu nii lɛ nɔ. (Heb. 5:14) [Daa otsi Biblia kanemɔ; kwɛmɔ w85 6/15 bf. 9 kk. 7.]
3. Eyɛ mli akɛ nɔyelɔi kɛ Yehowa Odasefoi baawo mla shishi akɛ jamɔŋ gbɛjianɔtoo moŋ, shi eka shi faŋŋ akɛ hegbɛ ni akɛaaha koni atsu anɔkwale jamɔ he nii lɛ jɛɛɛ gbɔmɔ ko gbɔmɔ ko aloo adesai anɔyeli ko dɛŋ. [jv bf. 696 kk. 1]
4. Yakobo ni ji Biblia ŋmalɔ lɛ ji Yakobo nɔŋŋ ni ji naawielɔ kɛha “bɔfoi lɛ kɛ onukpai lɛ” yɛ be mli ni asusuɔ sane ni kɔɔ ketiafoo lɛ he lɛ. (Bɔf. 15:6, 13; Yak. 1:1) [si bf. 248 kk. 2-3]
5. Eyɛ mli akɛ 1 Petro 5:13 tsɔɔ akɛ, Petro yɛ Babilon yɛ be mli ni eŋma eklɛŋklɛŋ wolo lɛ moŋ, shi odaseyeli tsɔɔ akɛ nakai gbɛi Babilon lɛ ji wiemɔ ko ni akɛdamɔ shi aha Roma. [si bf. 251 kk. 4]
6. Wiemɔ ni ji “antikristo lɛ miiba” ni yɔɔ 1 Yohane 2:18 lɛ kɔɔ mɔ aŋkro ko he yɛ gbɛ ni bɛ tɛ̃ɛ nɔ. [Daa otsi Biblia kanemɔ; kwɛmɔ rs bf. 32 kk. 3.]
7. Bei ni te shi yɛ bɔ ni Paulo susu Marko he eha, taakɛ atsĩ tã yɛ Bɔfoi lɛ Asaji 15:36-41 lɛ baaa naagbee. [it-2 bf. 320 kk. 4]
8. He ni akɛ Kpojiemɔ wolo lɛ wo yɛ Biblia lɛ naagbee gbɛ lɛ sa jogbaŋŋ ejaakɛ no ji naagbee wolo ni bɔfo Yohane ŋma. [si bf. 263 kk. 1]
9. Kpojiemɔ 13:11-15 lɛ feɔ Anglo Amɛrika Jeŋ Hewalɛ ni ji mɔ oti ni yeɔ ebuaa ni ekɛ wala haa Jeŋmaji Akpaŋmɔ lɛ kɛ mɔ ni ye esɛɛ ni ji Jeŋmaji Ekomefeemɔ lɛ hu he mfoniri jogbaŋŋ. [Daa otsi Biblia kanemɔ; kwɛmɔ w88 12/15 bf. 19 kk. 3.]
10. Kita akɛ asumɔsumɔɔ he, ni atsĩ tã yɛ Yohane 13:34 ji “kita hee,” ejaakɛ eyɛ ehee fe Mose Mla lɛ. [jv bf. 711 kk. 3]
Ha sanebimɔi ni nyiɛ sɛɛ nɛɛ ahetoo:
11. Ákɛ nɔkwɛlɔ akafee “ninekpokpookpotsɛ” lɛ tsɔɔ mɛni? (Tito 1:7) [Daa otsi Biblia kanemɔ; kwɛmɔ w90 9/1 bf. 27 kk. 21.]
12. Te wɔfeɔ tɛŋŋ wɔleɔ akɛ Loise kɛ Eunike tsɔɔ Timoteo Ŋmalɛi lɛ? [it-2 bf. 262 kk. 9]
13. Yesu miitsɔɔ mɛni, beni ekɛɛ akɛ, “Afɔle kɛ nikeenii lɛ osumɔɔɔ” lɛ? (Heb. 10:5) [Daa otsi Biblia kanemɔ; kwɛmɔ w96-GA 7/1 bf. 14 kk. 3.]
14. Kristofoi baanyɛ ‘aye je lɛ nɔ kunim’ yɛ mɛɛ gbɛ nɔ? (1 Yoh. 5:3, 4) [si bf. 258 kk. 12]
15. Te Petro wiemɔ ni ji ‘Yehowa gbi lɛ ni aaaha ehi jwɛŋmɔ mli lɛ’ tsɔɔ tɛŋŋ? (2 Pet. 3:12, NW) [Daa otsi Biblia kanemɔ; kwɛmɔ w97-GA 9/1 bf. 19 kk. 2.]
16. Mɛni fata hetsemɔ yɛ mumɔ mli lɛ he, ni mɛɛ gbɛ nɔ enɛ yeɔ ebuaa kɛbuɔ mɔ weku he yɛ? (2 Kor. 7:1) [fy-GA bf. 46 kk. 14]
17. Yɛ Kpojiemɔ 1:7 lɛ kɛ gbeekpamɔ naa lɛ, mɛɛ gbɛ nɔ mɛi ni tsurɔ Yesu nii lɛ baana lɛ yɛ akɛ “eeba kɛ atatui lɛ”? [Daa otsi Biblia kanemɔ; w93-GA 5/1 bf. 22 kk. 7.]
18. Kristofoi ni hiɛ yɔɔ amɛhe nɔ lɛ ‘kwɛɔ amɛhe nɔ ni amɛhiɛ tsɛ̃ɔ’ yɛ mɛɛ gbɛ nɔ? (Luka 21:34, 36) [jv bf. 714 kk. 4]
19. Mɛɛ gbɛ nɔ mɛi ni feɔ anɔkwale Kristofoi agbɛjianɔtoo ŋmɛnɛ lɛ tsɔɔ nɔ amɛnáa Nyɔŋmɔ Wiemɔ lɛ he shishinumɔ ni ja? [jv bf. 708 kk. 3]
20. Mɛɛ Ŋmalɛ naa taomɔ nii esa akɛ anɔkwa Kristofoi agbɛjianɔtoo kome lɛ ashɛ he yɛ naagbee gbii lɛ amli? [jv bf. 706 kk. 3]
Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:
21. Esa akɛ wu lɛ kɛ ŋa lɛ kɛ amɛhe __________________________ amɛhe, ni amɛha ehi amɛjwɛŋmɔ mli akɛ __________________________ lɛ ji nɔ ni he hiaa waa fe kponɔgbɛ puemɔ. [fy-GA bf. 26 mlitii akrabatsa lɛ]
22. Wolo ni Paulo ŋma eyaha Hebribii lɛ tsɔɔ akɛ, __________________________ lɛ fãi srɔtoi lɛ feɔ nɔkwɛmɔnɔ ni Nyɔŋmɔ fee ni miitsɔɔ nibii wuji ni baaba, ni fɛɛ baa naagbee yɛ __________________________ lɛ mli, ni ji Mla lɛ mlibaa lɛ. [si bf. 247 kk. 23]
23. Yɛ 2 Petro 1:5-8 lɛ, bɔfo Petro jie yi akɛ esa akɛ __________________________ ni aná Nyɔŋmɔ gbeyeishemɔ sui ni baaha wɔtsi wɔhe kɛjɛ __________________________ aloo __________________________ he. [si bf. 255 kk. 9]
24. __________________________ kɛ __________________________ lɛ he miihia waa, kɛ́ wumɛi kɛ ŋamɛi kɛ amɛhe miigba sane. [fy-GA bf. 36 kk. 21]
25. Yesu nyɛ Maria jɛ __________________________ akutso lɛ mli, ni eji David seshinyo; kɛtsɔ lɛ enɔ lɛ, Yesu ná hegbɛ enine shɛ “etsɛ David maŋtsɛsɛi lɛ” nɔ yɛ __________________________. (Luka 1:32) [it-2 bf. 346 kk. 4]
Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:
26. Beni awo Paulo tsuŋ klɛŋklɛŋ kwraa yɛ Roma lɛ, (Onesiforo; Onesimo; Onan), ni ji nyɔŋ ni ejo foi kɛjɛ (Filipo; Festo; Filemon) shia lɛ fata mɛi ni bo eshiɛmɔ lɛ toi lɛ ahe. [si bf. 241 kk. 2]
27. Atsɔɔ (suɔmɔ; bulɛ; gbɔfeemɔ) shishi akɛ “mɛi krokomɛi ahesusumɔ, woo ni akɛhaa amɛ.” [fy-GA bf. 30 kk. 7]
28. Yɛ Luka 14:28 lɛ Yesu miiwie (gbɛjianɔ ni atoɔ kɛtsɔɔ hiɛ; shika ni esaaa akɛ afiteɔ lɛ kɛkɛ; he ni aaatsi kɛaajɛ shika faa he) lɛ he. [fy-GA bf. 40 kk. 4]
29. “Nɔyeli” ni atsĩ tã yɛ Yuda 8 lɛ kɔɔ (hegbɛ ni Yesu yɔɔ; jeŋ muu fɛɛ maŋtsɛ ni Yehowa ji; hegbɛ ni Nyɔŋmɔ kɛha yɛ Kristofoi asafo lɛ mli) lɛ he. [si bf. 263 kk. 9]
30. “Gbii etɛ kɛ fã lɛ” ní atsĩ tã yɛ Kpojiemɔ 11:11 lɛ ji be mli ni shwɛɛnii ni afɔ amɛ mu lɛ fee tamɔ gbohii yɛ amɛhenyɛlɔi ahiɛ lɛ, ni ekɔɔ (afii etɛ kɛ fã; be kukuoo; nyɔji etɛ kɛ fã) he. [Daa otsi Biblia kanemɔ; kwɛmɔ re-GA bf. 167 kk. 21.]
Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:
Abɛi 8:30; Mat. 19:13-15; Heb. 2:1; Yak. 4:15; 1 Pet. 3:4
31. Bɔni afee ni wɔwuu wɔshi hewalɛ ni jeŋ ni ebɔle wɔ lɛ náa yɛ wɔnɔ yɛ lakamɔ wiemɔi ni wɔnuɔ kɛjɛɔ je nɛɛ mli be fɛɛ be lɛ hewɔ lɛ, esa akɛ “wɔmɔ” Nyɔŋmɔ Wiemɔ “lɛ mli ni awa,” kɛtsɔ nikasemɔ sui kpakpai ni wɔɔná kɛ Biblia kanemɔ he gbɛjianɔtoo kpakpa ni wɔɔhiɛ mli daa lɛ nɔ. [Daa otsi Biblia kanemɔ; kwɛmɔ w98-GA 1/1 bf. 7 kk. 9.]
32. Esa akɛ wɔtsɔ sɔlemɔ nɔ be fɛɛ be wɔsusu bɔ ni gbɛjianɔ ni wɔtoɔ kɛha wɔsɛɛ shihilɛ lɛ saa Nyɔŋmɔ yiŋtoo he lɛ he. [Daa otsi Biblia kanemɔ; kwɛmɔ w97-GA 11/15 bf. 21 kk. 10-11.]
33. ‘Mumɔ ni he jɔ ni yɔɔ kpoo’ ni Kristofonyo ŋa kɛ nyɛ yɔɔ lɛ jeee nɔ ni saa ewu hiɛ kɛkɛ, shi moŋ titri lɛ esaa Nyɔŋmɔ hiɛ. [Daa otsi Biblia kanemɔ; kwɛmɔ w89-GA 5/15 bf. 18 kk. 12.]
34. Yɛ Yehowa nɔkwɛmɔnɔ lɛ sɛɛnyiɛmɔ mli lɛ, esa akɛ tsɛ kpakpa abɔ mɔdɛŋ ni eha miishɛɛ kɛ suɔmɔ wekukpaa akã ekɛ ebi lɛ teŋ kɛjɛ gbekɛ lɛ fɔmɔ mli tɔ̃ɔ. [fy-GA bf. 53 kk. 7]
35. Akɛni Yesu kwɛɛɛ hiɛaŋ yɛ be mli ni ejɔɔ gbekɛbii lɛ hewɔ lɛ, esaaa akɛ mɔ ko susuɔ akɛ gbekɛbii hii nɔ kwɔlɔ fe gbekɛbii yei. [fy-GA bf. 52 kk. 4]