Teokrase Sɔɔmɔ Skul Niŋmaa kaa

Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ May 1, Kɛyashi August 21, 2000. Okɛ wolo kroko atsu nii okɛŋmala hetooi abɔ ni ooonyɛ lɛ yɛ be ni ato lɛ mli.

[Kadimɔ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]

Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:

1. Hetoo ni Gideon kɛha wiemɔi ni nilee bɛ mli ni Efraim hii lɛ kɛtutua lɛ lɛ tsɔɔ akɛ eyɛ mlijɔlɛ kɛ heshibaa, ni yɛ no hewɔ lɛ eku wiemɔi ni ejaaa ni amɛkɛshi lɛ lɛ naa ni no ha toiŋjɔlɛ hi amɛteŋ. (Koj. 8:1-3) [Daa otsi Biblia kanemɔ]

2. Eyɛ mli akɛ Manoa kɛɛ akɛ “wɔna Nyɔŋmɔ” moŋ, shi yɛ faŋŋ mli lɛ, lɛ kɛ eŋa na mɔ ni ji naawielɔ kɛha Nyɔŋmɔ lɛ yɛ gbɔmɔtso diɛŋtsɛ mli, shi jeee Yehowa diɛŋtsɛ. (Koj. 13:22) [Daa otsi Biblia kanemɔ; kwɛmɔ w88 5/15 bf. 23 kk. 3.]

3. Yɛ gbalɛ naa lɛ, wiemɔ ni ji “mɛi ni sumɔɔo” ni yɔɔ Kojolɔi 5:31 lɛ miitsɔɔ Maŋtsɛyeli niyelɔi 144,000 lɛ. [si bf. 50 kk. 28]

4. Anaaa Rut wolo lɛ fãi lɛ eko kwraa yɛ Ŋshɔ ni Egbo Wolokpoi lɛ amli. [si bf. 51 kk. 3]

5. Kojolɔi 21:25 miitsɔɔ be ko ni Yehowa shi Israel maŋ lɛ ni amɛnáaa gbɛtsɔɔmɔ ko kwraa. [Daa otsi Biblia kanemɔ; kwɛmɔ w95-GA 6/15 bf. 22 kk. 16.]

6. Kerubim lɛ ahe okadii ni yɔɔ kpaŋmɔ adeka lɛ nɔ lɛ tsɔɔ Yehowa ni yɔɔ maŋtsɛyeli hewalɛ mli, ní akɛɛ akɛ lɛ ji mɔ ni “táa kerubim lɛ anɔ [aloo, “etáa amɛteŋ”] lɛ.” (1 Sam. 4:4, NW shishigbɛ niŋmaa) [Daa otsi Biblia kanemɔ; kwɛmɔ w80 11/1 bf. 29 kk. 2.]

7. Akɛni Saul asraafoi lɛ ye lá yɛ shihilɛ ni mli wa ni amɛyabote mli ni agbalaaa amɛ toi hewɔ lɛ, enɛ tsɔɔ akɛ yiŋtoi komɛi yɛ ni mɔ ko baanyɛ ekɛjie enaa koni eku ŋwɛi mla lɛ mli fioo koni ekɛbaa ewala yi. (1 Sam. 14:24-35) [Daa otsi Biblia kanemɔ; kwɛmɔ w94-GA 4/15 bf. 31 kk. 7-9.]

8. Yɛ be mli ni mɛi komɛi kɛ wiemɔ ni ji “yiŋtsɔmɔ” tsuɔ nii akɛ nifeemɔ ni akɛkudɔɔ mɔ kɛ hesaa lɛ, abaanyɛ akɛtsu nii yɛ gbɛ ni ja nɔ akɛ nɔ ko ni tsɔɔ mɔ ko yiŋ ni akɔneɔ koni akɛtsake eniiahesusumɔ kɛtsɔ sane he ni asusuɔ jogbaŋŋ diɛŋtsɛ lɛ nɔ. (2 Tim. 3:14, 15) [w98-GA 5/15 bf. 21 kk. 4]

9. “Wala kotoku lɛ” miitsɔɔ ŋwɛi hebuu kɛ yibaamɔ ni akɛhaa, ni no he baaba sɛɛnamɔ aha David kɛ́ eyeee lá yi sɔ̃ yɛ Nyɔŋmɔ hiɛ. (1 Sam. 25:29, NW) [Daa otsi Biblia kanemɔ; kwɛmɔ w91 6/15 bf. 14 kk. 3.]

10. David Maŋtsɛyeli kpaŋmɔ lɛ ni awie he yɛ 2 Samuel 7:16 lɛ haaa Seshi lɛ he tsakpaa ni tsɔɔ gbɛ kɛyaa Mesia lɛ ŋɔɔ lɛ ashɛ shɔŋŋ ni eji mla naa shiwoo akɛ mɔ ko baajɛ David wekukpaa lɛ mli abaye nɔ “kɛaatee naanɔ!” [Daa otsi Biblia kanemɔ; kwɛmɔ w89 2/1 bf. 14 kk. 21–bf. 15 kk. 22.]

Ha sanebimɔi ni nyiɛ sɛɛ nɛɛ ahetoo:

11. Mɛɛ nɔmimaa Lala 34:19 kɛhaa? [w98-GA 4/1 bf. 31 kk. 3]

12. Mɛɛ anɔkwale tsɔɔ akɛ awo Yose gbɛi akɛ Barnaba? (Bɔf. 4:36) [w98-GA 4/15 bf. 20 kk. 3, shishigbɛ niŋmaa]

13. Mɛni hewɔ ni Biblia mli sane lɛ kɛɔ akɛ Eli yaa nɔ ebuɔ ebihii lɛ waa fe bulɛ ni ekɛhaa Yehowa lɛ? (1 Sam. 2:12, 22-24, 29) [Daa otsi Biblia kanemɔ; kwɛmɔ w96-GA 9/15 bf. 13 kk. 14.]

14. Mɛni hewɔ esa akɛ Rut wolo lɛ awaje hekɛnɔfɔɔ ni wɔyɔɔ yɛ Maŋtsɛyeli lɛ shiwoi lɛ amli lɛ? [si bf. 53 kk. 10]

15. Taakɛ 1 Samuel 1:1-7 tsɔɔ lɛ, mɛɛ nɔkwɛmɔnɔ ni nɔ kwɔ Samuel weku lɛ fee? [Daa otsi Biblia kanemɔ; kwɛmɔ w98-GA 3/1 bf. 16 kk. 12.]

16. Yɛ mɛɛ shishinumɔ naa abaanyɛ akɛɛ akɛ ‘nii pii lakaa mɔ’? (Mat. 13:22) [w98-GA 5/15 bf. 5 kk. 1]

17. Yɛ mɛɛ gbɛ nɔ Yonatan ni ji onukpa lɛ kpɛlɛɔ mɔ ni Yehowa efɔ lɛ mu ni ji David lɛ nɔ, ni mɛni he mfoniri enɛ feɔ ŋmɛnɛ? (1 Sam. 18:1, 3, 4) [Daa otsi Biblia kanemɔ; kwɛmɔ w89 1/1 bf. 24, 26 kk. 4, 13.]

18. Eyɛ mli akɛ Hiob ji mɔ ni “kpa ko bɛ ehe ni eja” moŋ, shi yɛ mɛɛ gbɛ nɔ Hiob wolo lɛ tsɔɔ akɛ enɛ etsɔɔɔ akɛ eyeɔ emuu? (Hiob 1:8.) [w98-GA 5/1 bf. 30 kk. 7]

19. Mɛni ji wiemɔ “nyɛpelea” lɛ shishi? (Luka 13:24) [w98-GA 6/15 bf. 31 kk. 1, 4]

20. Yɛ be mli ni wɔkɛ mɛi krokomɛi tsuɔ nii lɛ, mɛɛ nikasemɔ ni sɛɛnamɔ yɔɔ he wɔbaanyɛ wɔkɛto wɔtsui mli, taakɛ aŋma yɛ 2 Samuel 12:26-28 lɛ? [Daa otsi Biblia kanemɔ; kwɛmɔ w93-GA 12/1 bf. 19 kk. 19.]

Okɛ wiemɔ(i) loo wiemɔi kukuji ni sa ahɔlɔ gbɛhei ni kamɔ shi efoji nɛɛ amli:

21. Esa akɛ fɔbuu ni naa wa ni Yehowa kɛba Baal jamɔ nɔ lɛ atsirɛ wɔ koni wɔtsi wɔhe kwraa kɛjɛ ekrokomɛi ni tamɔ nakai yɛ ŋmɛnɛŋmɛnɛ beaŋ lɛ he ni ji ․․․․․․․․, kɛ ․․․․․․․․. (Koj. 2:11-18) [si bf. 50 kk. 26]

22. Samuel gbii lɛ amli ji be ni ․․․․․․․․ ayinɔ lɛ ba naagbee, ni ․․․․․․․․ ayinɔ ni baaha Israel alaaje Yehowa hiɛ duromɔ yɛ naagbee mli lɛ je shishi. [si bf. 53 kk. 1]

23. Ŋwɛi gbɛi ni ji Yehowa lɛ shishi ji “․․․․․․․․” ni no tsɔɔ akɛ Yehowa baanyɛ etsu nɔ fɛɛ nɔ ni he hiaa bɔni afee ni ekɛtsu ․․․․․․․․ ahe nii. [w98-GA 5/1 bf. 5 kk. 3]

24. Eli kɛ Saul fɛɛ nine nyɛ shi ejaakɛ klɛŋklɛŋ mɔ lɛ ․․․․․․․․ nɔ ko he nitsumɔ ni sɛɛkpee mɔ lɛ ․․․․․․․․. [si bf. 57 kk. 27]

25. Yesu abɛbua ni kɔɔ naanyo Samarianyo lɛ he lɛ tsɔɔ akɛ gbɔmɔ ni ja jogbaŋŋ lɛ ji mɔ ni jeee akɛ ebuɔ Nyɔŋmɔ ․․․․․․․․ lɛ kɛkɛ shi ekaseɔ ․․․․․․․․ lɛ hu. (Luka 10:29-37) [w98-GA 7/1 bf. 31 kk. 2]

Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:

26. Yehowa su ni fa babaoo ni ji (nilee; hewalɛ; suɔmɔ) ji nɔ ni anaa yɛ Moabyoo (Rut; Naomi; Orpa) ni tsutsu ko lɛ ejáa (Baal; Kemosh; Dagon) lɛ halamɔ mli, mɔ ni tsake kɛba anɔkwa jamɔ mli ni ebatsɔ Yesu Kristo blemanyɛ lɛ. (Mat. 1:3, 5, 16) [si bf. 51 kk. 1]

27. Israelbii ayinɔ ní kojolɔi kɛye nɔ lɛ ba naagbee beni afɔ (Samuel; David; Saul) mu akɛ maŋtsɛ ni no sɛɛ lɛ, etsɛɛɛ ni amɛkɛ Yehowa dɛŋ yelikɛbuamɔ ye (Amonbii; Moabbii; Filistibii) anɔ kunim lɛ. (1 Sam. 11:6, 11) [Daa otsi Biblia kanemɔ; kwɛmɔ w95-GA 12/15 bf. 9 kk. 2–​bf. 10 kk. 1.]

28. Timoteo ji mɔ ko ni (bɔfo Paulo; etsɛ; enyɛ kɛ enaa) nyiɛ hiɛ ni akɛ “ŋmalɛi krɔŋkrɔŋi lɛ” tsɔse lɛ kɛyashi beni amɛna akɛ ebatsɔ maŋsɛɛ sanekpakpa shiɛlɔ kɛ nɔkwɛlɔ ni he esa jogbaŋŋ. (2 Tim. 3:14, 15; Fil. 2:19-22) [w98-GA 5/15 bf. 8 kk. 3–bf. 9 kk. 5]

29. Esa akɛ sɔɔmɔ nitsumɔ lɛ ni (David; Samuel; Yonatan) kɛ eblahiaŋ hewalɛ tsu lɛ awo oblahii kɛ oblayei hewalɛ ni amɛkɛ amɛhe awo sɔɔmɔ nitsumɔ lɛ mli ŋmɛnɛ, ni esa akɛ bɔ ni ekɛ ehe wo mli aahu ni ekpaaa kɛyashi egbii ba naagbee lɛ aye abua mɛi ni egbɔlɔ waa lɛ hu. [si bf. 58 kk. 30]

30. Be sɛɛkɛlɛ ni akɛŋma 2 Samuel lɛ ji kɛjɛ afi (1077 kɛyashi aaafee 1040; 1077 kɛyashi aaafee 1037; 1070 kɛyashi aaafee 1040) D.Ŋ.B. [si bf. 59 kk. 3]

Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpãa gbee:

Koj. 11:30, 31; 1 Sam. 15:22; 30:24, 25; 2 Maŋ. 6:15-17; Yak. 5:11

31. Nɔmimaa ni Yehowa kɛhaa ji akɛ, ekɛ eŋwɛi tai lɛ baatsu nii koni ekɛbu ewebii ahe yɛ esuɔmɔnaa. [w98-GA 4/15 bf. 29 kk. 5]

32. Gbɛnaa nii kã asafoŋ nɔkwɛlɔi anɔ akɛ amɛkɛ saji ni amɛkpãa gbee yɛ mli lɛ atsu nii, tsɛbelɛ bei komɛi lɛ ewa, ni ebaabi ni akɛ he ashã afɔle. [w99-GA 9/15 bf. 10 kk. 3-4]

33. Emuuyeli ni aaahiɛ mli yɛ kaai ashishi lɛ haa anáa nyɔmɔwoo babaoo kɛjɛɔ Yehowa Nyɔŋmɔ dɛŋ. [w98-GA 5/1 bf. 31 kk. 3]

34. Suɔmɔ diɛŋtsɛ ni ayɔɔ kɛha Nyɔŋmɔ lɛ biɔ koni afee toiboo aha ŋwɛi gbɛtsɔɔmɔi, shi jeee akɛ aaashã afɔlei aha lɛ kɛkɛ. [Daa otsi Biblia kanemɔ; kwɛmɔ w96-GA 6/15 bf. 5 kk. 1.]

35. Yehowa hiɛ sɔɔ mɛi ni sɔmɔɔ kɛfĩɔ egbɛjianɔtoo lɛ sɛɛ ŋmɛnɛ lɛ waa. [Daa otsi Biblia kanemɔ; kwɛmɔ w86 9/1 bf. 28 kk. 4.]