“Atĩa Nɔ ko Ato”

Yɛ mra be mli Kristofoi asafo lɛ mli lɛ, heloonaa hiamɔ nibii yɛ ni esa akɛ asusu he jogbaŋŋ. Yɛ bɔ ni mɔ fɛɛ mɔ shwereɔ ehaa lɛ naa lɛ, awoɔ lɛ hewalɛ koni ‘etĩa nɔ ko eto’ ákɛ tooyeli ni akɛaatsu nakai hiamɔ nii lɛ ahe nii. (1 Kor. 16:1-3) Nɔ ni jɛ amɛ nihamɔ lɛ mli ba ji akɛ, amɛ fɛɛ amɛmli fili amɛ be mli ni amɛkɛ ‘shidaa babaoo haa Nyɔŋmɔ’ lɛ.—2 Kor. 9:11, 12.

Ŋmɛnɛ, Yehowa webii ajeŋ muu fɛɛ nitsumɔ lɛ miiya nɔ emli miigbele be fɛɛ be, ni ehe miihia ni aná shika ni yaa nɔ efaa ni akɛaatsu he nii. Eji nɔ ni sa akɛ wɔ hu ‘wɔɔtĩa nɔ ko wɔto’ daa koni wɔkɛye wɔbua kɛtsu hiamɔ nii lɛ he nii. (2 Kor. 8:3, 4) Abaanyɛ akɛ heloonaa nii aha yɛ gbɛ̀i srɔtoi anɔ. (Kwɛmɔ November 1, 2001 Buu-Mɔɔ lɛ baafai 28-29.) Wɔbuɔ enɛ yɛ gbɛ ni ja nɔ akɛ eji hegbɛ ni kɛ anɔkwa miishɛɛ baa.—Bɔfoi lɛ Asaji 20:35.