Adafitswai

◼ Wolo ni akɛbaaha yɛ February: Life—How Did It Get Here? By Evolution or by Creation?, Kpojiemɔ—Enaagbee Kwraa lɛ Ebɛŋkɛ!, aloo woji fɛɛ ni etsɛ ni hiɛ baafai 192 ni asafo lɛ yɔɔ eko. March: Nilee Ni Kɛ Mɔ Yaa Naanɔ Wala Mli. Abaabɔ mɔdɛŋ krɛdɛɛ ni aje shia Biblia mli nikasemɔi ashishi. April kɛ May: Buu-Mɔɔ lɛ kɛ Awake! woji tɛtrɛbii lɛ. Kɛ aná he miishɛɛ yɛ sɛɛsaramɔ mli lɛ, abaanyɛ ni akɛha ni ashɛ. Akɛ Taoɔ wolo bibioo lɛ aha, kɛ yiŋtoo akɛ akɛaaje shia Biblia mli nikasemɔi ashishi.

◼ Kɛji akɛ shiɛlɔi miitsu nii yɛ shikpɔŋkuku ni akɛwoko mɔ ko dɛŋ mli lɛ, amɛbaanyɛ ni amɛkɛ Taoɔ wolo bibioo lɛ loo Nilee wolo lɛ aha. Abaanyɛ akɛ wolo fɛɛ wolo aha kɛji akɛ shiatsɛ lɛ yɛ woji enyɔ nɛɛ ateŋ eko. Mɔ fɛɛ mɔ ahiɛ dɛhiɛmɔ woji srɔtoi kɛha mɛi ni bɛ shia loo aŋkroaŋkroi ni heee woji wuji lɛ. Esa akɛ abɔ mɔdɛŋ ni anyiɛ miishɛɛ ni aná lɛ sɛɛ, titri lɛ he ni ekolɛ asafoi ni bɛŋkɛ baanyɛ atsu shikpɔŋkukuji ni akɛwoko mɔ ko dɛŋ lɛ amli nii lɛ.

◼ Onukpai asɛinɔtalɔ lɛ loo mɔ ni ebaahala lɛ lɛ abu asafo lɛ shika he akɔntaa yɛ March 1, aloo yɛ no sɛɛ nɔŋŋ. Esa akɛ atswa he adafi atsɔɔ asafo lɛ kɛ afee agbe naa.

◼ Woloŋmalɔ lɛ kɛ sɔɔmɔ nitsumɔ nɔkwɛlɔ lɛ akwɛ gbɛgbalɔi fɛɛ anitsumɔ mli. Kɛji amɛteŋ mɛi komɛi miiná naagba yɛ ŋmɛlɛtswaa taomɔ nii ahe lɛ, onukpai lɛ ato gbɛjianɔ ni akɛ yelikɛbuamɔ aha. Kɛha ŋaawoo lɛ, atĩ daa afi S-201 woji ni aŋmalaa lɛ amli. Akwɛ nɔ ni aŋma ahɔ September 1986 Wɔ Maŋtsɛyeli Sɔɔmɔ lɛ mli lɛ kukuji 12-20 lɛ hu mli.

◼ Nyɛkwɛa nyɛhe nɔ jogbaŋŋ yɛ shishiumɔ nifeemɔ ni yaa nɔ bianɛ yɛ intanɛt lɛ nɔ kɛ majemɔ woji amli ni akɛmiibi shika aha wɔnyɛmimɛi kɛ lakamɔ akɛ akɛmiiye abua mɛi ni oshara nina amɛ nyɛsɛɛ nɛɛ lɛ. Be fɛɛ be ni shihilɛ lɛ aaabi ni ato ajinafoi akuu ni kɛ yelikɛbuamɔ baaha Yehowa Odasefoi yɛ he ni oshara eba yɛ lɛ, abaabɔ nyɛmimɛi ni sa lɛ amaniɛ. Esa akɛ, akɛ nibii ni akɛkeɔ kɛha hiamɔ ni eba lɛ ayaha Watch Tower, P. O. Box GP 760, Accra.

◼ Abaaha maŋshiɛmɔ krɛdɛɛ kɛha afi 2002 Kaimɔ be lɛ Hɔgbaa, April 14. Ni wiemɔ lɛ yitso ji “Ha ‘Yehowa Gbi ni Yɔɔ Gbeyei Naakpa’ lɛ Ahi Ojwɛŋmɔ Mli.” Akɛ wiemɔ he gbɛjianɔtoo wolo baamaje. Asafoi ni no mli lɛ kpokpaa nɔkwɛlɔi saraa amɛ aloo amɛyaa kpokpaa nɔ kpee nakai otsi lɛ naagbee lɛ baaha nakai maŋshiɛmɔ krɛdɛɛ lɛ yɛ otsi ni baanyiɛ sɛɛ aba lɛ mli. Asafo ko akaha maŋshiɛmɔ krɛdɛɛ lɛ beni April 14, 2002 shɛko.

◼ Woji Heei ni Nine Eshɛ Nɔ:

Na Teokrase Sɔɔmɔ Skul Tsɔsemɔ lɛ He Sɛɛ—Blɔfo

Yesaia Gbalɛ Lɛ—La Kɛha Adesai Fɛɛ II—Blɔfo, Ewe, Ga, Twi

Yesaia Gbalɛ Lɛ—La Kɛha Adesai Fɛɛ I—Nɔ ni Akala lɛ Agboi—Blɔfo

Shihilɛ ni Haa Mɔ Tsui Nyɔɔ Emli—Bɔ ni Aaafee Aná (Wolo bibioo)—Blɔfo, Ewe, Ga, Twi

Ani Oyɛ Mumɔ ko ni Gbooo? (Dɛhiɛmɔ wolo No. 25)—Blɔfo, Ewe, Ga, Twi

Ani Obaasumɔ ni Ole Biblia lɛ Mli Saji Babaoo? (Dɛhiɛmɔ wolo No. 26)—Blɔfo, Ewe, Ga, Twi

◼ Woji ni Nine Eshɛ nɔ Ekoŋŋ:

Watchtower Publications Index—1986-2000—Blɔfo