Adafitswai
KADIMƆ: Wɔ Maŋtsɛyeli Sɔɔmɔ lɛ baato Sɔɔmɔ Kpee he gbɛjianɔ kɛha otsi fɛɛ otsi yɛ nyɔji ni afeɔ kpokpaa wulu nɔ kpee lɛ yɛ mli lɛ amli. Asafoi lɛ baanyɛ afee tsakemɔi ni he baahia lɛ koni anyɛ aya “Maŋtsɛyeli Jajelɔi ni Yɔɔ Ekãa” Kpokpaa Wulu nɔ Kpee lɛ. Kɛ ebaahi lɛ, ajie minitii 15 kɛjɛ naagbee Sɔɔmɔ Kpee ni abaafee dani abaaya kpee lɛ mli, ni akɛtsu nii koni akɛti ŋaawoo ni sa ni baakɔ nyɛhe ni akɛha yɛ nɔ ni aŋma ahɔ nyɔɔŋ nɛɛ nɔ nɔ̃ lɛ mli lɛ mli. Yɛ February nyɔɔŋ lɛ mli lɛ, abaato Sɔɔmɔ Kpee muu he gbɛjianɔ koni akɛti kpee lɛ shishi wiemɔi lɛ amli saji otii lɛ amli. Bɔni afee ni wɔsaa wɔhe kɛha nakai sanegbaa lɛ, wɔ fɛɛ wɔbaanyɛ wɔŋmala kpee lɛ shishi wiemɔi lɛ amli saji otii bibii wɔshwie shi, kɛ saji otii krɛdɛɛi ni wɔbaasumɔ ni wɔkɛtsu nii yɛ wɔ diɛŋtsɛ wɔshihilɛ mli kɛ shiɛmɔ nitsumɔ lɛ mli. Kɛkɛ lɛ wɔbaanyɛ wɔtsɔɔ bɔ ni wɔkɛ nakai ŋaawoi lɛ etsu nii wɔha kɛjɛ be mli ni wɔjɛ kpee lɛ wɔba lɛ. Tsɔsemɔ wiemɔi kpakpai ni wɔnine shɛ nɔ, ní wɔɔnu ni wɔteŋ mɔ fɛɛ mɔ miitsɔɔ bɔ ni ehe eba sɛɛnamɔ kɛha lɛ lɛ baatswa wɔ fɛɛ ama shi.
◼ Wolo ni akɛbaaha yɛ November: Mɛni Nyɔŋmɔ Taoɔ yɛ Wɔdɛŋ? loo Nilee Ni Kɛ Mɔ Yaa Naanɔ Wala Mli. Kɛ́ shiatsɛ lɛ yɛ enɛɛmɛi eko momo lɛ, abaanyɛ akɛ wolo ko ni etsɛ aha. December: Gbɔmɔ ni Fe Mɔ Fɛɛ Mɔ ni Ehi Shi Pɛŋ. Kɛ́ enɛ eko bɛ lɛ, abaanyɛ akɛ Mi-Wolo ni Gbaa Biblia Mli Saji, Obaanyɛ Ohi Shi Kɛya Naanɔ yɛ Paradeiso yɛ Shikpɔŋ Nɔ, loo The Bible—God’s Word or Man’s?, wolo lɛ aha. January: Wolo fɛɛ wolo ni hiɛ baafai 192, ni afee dani afi 1988 shɛ ni ekolɛ asafo lɛ yɔɔ eko. Asafoi ni yɔɔ Nyɔŋmɔ Sɛɛ Gbɛ ni Adesai Taoɔ wolo lɛ hu baanyɛ amɛkɛha.
◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ December 1 loo no sɛɛ nɔŋŋ. Esa akɛ atswa asafo lɛ adafi beni akane shika he akɔntaabuu ni baanyiɛ sɛɛ lɛ atsɔɔ, kɛ́ afee enɛ momo.
◼ Esa akɛ asafoi lɛ abɔi The Watchtower kɛ Awake! wolokpoi kɛha afi 2002 lɛ shɛɛ kɛfata amɛwoji ni amɛbaashɛ kɛnyiɛ sɛɛ lɛ he. Abaaná wolokpoi lɛ yɛ Blɔfo wiemɔ mli. Wolokpoi lɛ ji woji krɛdɛɛi ni ja ashɛ dani akɛmajeɔ.
◼ Esa akɛ aŋma “Watch Tower” yɛ tsɛk ni akɛtsuɔ onia yɛ kpokpaa wulu nɔ kpeei ashishi kɛ nɔ ni akɛmajeɔ nitsumɔhe nine ni yɔɔ Ghana lɛ nɔ. Nitsumɔhe nine lɛ adrɛs ji Watch Tower Bible and Tract Society of Ghana, P. O. Box GP 760, Accra.