Adafitswai

◼ Wolo ni akɛbaaha yɛ February: Akɛ wolo hee ni ji Tsi Obɛŋkɛ Yehowa lɛ baatsu nii. Nitsumɔhe niji ni nine shɛko wolo nɛɛ eko nɔ lolo lɛ baanyɛ amɛkɛ Creation wolo lɛ loo Kpojiemɔ—Enaagbee Kwraa lɛ Ebɛŋkɛ! wolo lɛ aha. March: Akɛ Nilee wolo lɛ baatsu nii, koni abɔ mɔdɛŋ ni akɛje shia Biblia mli nikasemɔi ashishi. April kɛ May: Akɛ Buu-Mɔɔ kɛ Awake! woji tɛtrɛbii lɛ baaha. Kɛji akɛ oofee sɛɛsaramɔi yɛ mɛi ni yɔɔ wiemɔ lɛ he miishɛɛ, ní ekolɛ mɛi ni ba Kaimɔ lɛ loo teokrase nifeemɔi krokomɛi ashishi shi amɛkɛ amɛhe ebɔɔɔ asafo lɛ he daa lɛ hu fata he lɛ aŋɔɔ lɛ, ha ni efee oti ni ma ohiɛ akɛ obaaha wolo ni ji Já Anɔkwa Nyɔŋmɔ Kome Lɛ eko. Esa akɛ abɔ mɔdɛŋ fɛɛ ni aaanyɛ koni aje shia Biblia mli nikasemɔ shishi, titri lɛ kɛji mɛi nɛɛ ateŋ mɛi komɛi etsɔ hiɛ amɛkase Nilee wolo lɛ kɛ Taoɔ wolo lɛ amɛgbe naa momo.

◼ Onukpai asɛinɔtalɔ lɛ loo mɔ ko ni ehala lɛ lɛ akwɛ asafo lɛ shika mli yɛ March 1 loo no sɛɛ nɔŋŋ. Kɛ́ akwɛ mli agbe naa lɛ, esa akɛ atswa asafo lɛ adafi beni akane shika he akɔntaabuu ni baanyiɛ sɛɛ lɛ agbe naa. Kanemɔ woji fɛɛ ni aŋma ni nyɛnine eshɛ nɔ ni miitsɔɔ oniatsumɔ ni nyɛ asafo lɛ kɛmaje kɛha jeŋ muu fɛɛ nitsumɔ lɛ kɛ nɔ ni akɛyawo asafo lɛ fotroi srɔtoi ni eto he gbɛjianɔ lɛ amli lɛ otsɔɔ asafo lɛ.

◼ Woloŋmalɔ lɛ kɛ sɔɔmɔ nitsumɔ nɔkwɛlɔ lɛ akwɛ gbɛgbalɔi fɛɛ anitsumɔ mli. Kɛji ewa kɛha amɛteŋ mɛi komɛi akɛ amɛaaná ŋmɛlɛtswai ni ataoɔ yɛ amɛdɛŋ lɛ, onukpai lɛ ato gbɛjianɔ ni amɛkɛ yelikɛbuamɔ aha. Kɛha ŋaawoo lɛ, atĩ daa afi S-201 woji ni aŋmalaa lɛ amli. Agbɛnɛ hu akwɛ nɔ ni aŋma ahɔ September 1986 Wɔ Maŋtsɛyeli Sɔɔmɔ lɛ mli lɛ kuku 12-20 lɛ mli.

◼ Saneyitso kɛha maŋshiɛmɔ krɛdɛɛ ni abaaha kɛha afi 2003 Kaimɔ be lɛ ji “Ani Babilon Kojomɔ Ŋmɛlɛtswaa lɛ Eshɛ?” Kwɛmɔ adafitswaa ni kɔɔ enɛ he lɛ yɛ September 2002 Wɔ Maŋtsɛyeli Sɔɔmɔ lɛ mli.