Adafitswai

◼ Wolo ni akɛbaaha yɛ May: Akɛ Buu-Mɔɔ kɛ Awake! woji tɛtrɛbii lɛ aha. Kɛ́ ooku osɛɛ oyasara mɛi ni yɔɔ wiemɔ lɛ he miishɛɛ, ní ekolɛ mɛi ni ba Kaimɔ lɛ loo teokrase nifeemɔi krokomɛi ashishi, shi amɛkɛ amɛhe ebɔɔɔ asafo lɛ daa lɛ hu fata he lɛ, bɔɔ mɔdɛŋ ni okɛ Já Nyɔŋmɔ wolo lɛ aha. Esa akɛ abɔ mɔdɛŋ fɛɛ ni aaanyɛ koni akɛje shia Biblia mli nikasemɔ shishi, titri lɛ kɛji aŋkroaŋkroi nɛɛ ateŋ mɛi komɛi etsɔ hiɛ amɛkase Nilee wolo lɛ kɛ Taoɔ wolo bibioo lɛ momo. June: Kasemɔ Nii Kɛjɛ Tsɔɔlɔ Kpele lɛ Ŋɔɔ. Kɛ́ aŋkroaŋkro komɛi kɛɛ akɛ amɛbɛ bii lɛ, no lɛ akɛ Taoɔ wolo bibioo lɛ aha. Kɛ́ akɛ wolo bibioo lɛ miitsu nii lɛ, esa akɛ agbala jwɛŋmɔ kɛya shia Biblia mli nikasemɔi ashishi ni aaaje lɛ nɔ titri. July kɛ August: Akɛ woji bibii ni hiɛ baafai 32 lɛ ateŋ eko fɛɛ eko ni sa aha: Ani Nyɔŋmɔ Susuɔ Wɔhe Lɛlɛŋ?, Na Wala Mli Ŋɔɔmɔ yɛ Shikpɔŋ Nɔ Kɛya Naanɔ!, “Naa! Miifee Nii Fɛɛ Ehee,” Ani Esa akɛ Ohe Triniti lɛ Oye?, The Divine Name That Will Endure Forever, Nɔyeli Ni Kɛ Paradeiso Baaba, Mɛni Baa Wɔnɔ Kɛ́ Wɔgboi?, Mɛni Ji Yiŋtoo ni Yɔɔ Shihilɛ Sɛɛ?—Te Ooofee Tɛŋŋ Ole Hu?, kɛ Beni Mɔ Ko ni Osumɔɔ Lɛ Egbo.

◼ Onukpai asɛinɔtalɔ loo mɔ ko ni ehala lɛ lɛ akwɛ asafo lɛ shika he akɔntaabuu mli yɛ June 1 loo yɛ no sɛɛ nɔŋŋ. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.