Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ December 26, afi 2005 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ November 7 otsi lɛ kɛyashi December 26, afi 2005 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛni wɔbaanyɛ wɔfee koni ŋaawoo ni wɔkɛhaa lɛ afee nɔ ni ‘suɔmɔ yɔɔ mli’? (File. 9) [be-GA bf. 266]

2. Mɛɛ gbɛ̀i anɔ wɔbaanyɛ wɔkɛ ‘nitsɔɔmɔ ni tsáa mɔ lɛ awie’ atsɔɔ mɛi? (Tito 1:9) [be-GA bf. 266 kk. 6-bf. 267 kk. 1]

3. Mɛni hewɔ ehe hiaa ni wɔwiemɔi afee nɔ ni hewalɛwoo yɔɔ mli, ni mɛɛ gbɛ nɔ wɔɔtsɔ wɔfee enɛ? [be-GA bf. 268 kk. 1-3, akrabatsa]

4. Yɛ Mose kasemɔ mli lɛ, te nibii ni Yehowa efee eha ewebii lɛ ni wɔyeɔ wɔbuaa mɛi ni amɛkai lɛ woɔ amɛ hewalɛ ehaa tɛŋŋ? (5 Mose 3:28; 31:1-8) [be-GA bf. 268 kk. 5–bf. 269 kk. 2]

5. Mɛni hewɔ nɔ ni Yehowa feɔ bianɛ kɛ nɔ ni ebaafee yɛ wɔsɛɛ be mli ní wɔkɛ miishɛɛ aaawie he wɔtsɔɔ wɔtoibolɔi lɛ baawo amɛ hewalɛ lɛ? [be-GA bf. 270-271]

NIFEEMƆ NI JI 1

6. Mɛni ji Septuagint lɛ, ni mɛni hewɔ ehe yɔɔ sɛɛnamɔ kɛha Kristofoi lɛ? [si bf. 307 kk. 12–bf. 310 kk. 14]

7. Namɛi ji Masoretebii lɛ, ni mɛɛ yelikɛbuamɔ ni sa kadimɔ amɛkɛha yɛ Biblia lɛ shishitsɔɔmɔ mli? [si bf. 310 kk. 18; bf. 311 kk. 20-21]

8. Mɛɛ niŋmaa titri nɔ akwɛ ni atsɔɔ New World Translation ní yɔɔ Blɔfo wiemɔ mli lɛ fã ni ji Hebri ŋmalɛi lɛ shishi, ni mɛni hewɔ abaanyɛ akɛɛ akɛ shishitsɔɔmɔ nɛɛ ja ni abaanyɛ akɛ he afɔ̃ nɔ hu lɛ? [si bf. 312 kk. 28, 30]

9. Mɛɛ gbɛ nɔ mra be mli Kristofoi lɛ jie shwelɛ ni mli wa kpo akɛ amɛaaha mɛi ale Nyɔŋmɔ Wiemɔ lɛ? [si bf. 315 kk. 1-5]

10. Mɛni woji ni akɛ niji ŋmala ni yɔɔ bianɛ lɛ kɛ Ŋmalɛ Krɔŋkrɔŋ lɛ mli niŋmaai lɛ akasemɔ tsɔɔ wɔ yɛ Biblia lɛ he? [si bf. 320 kk. 32]

DAA OTSI BIBLIA KANEMƆ

11. Ani anɔkwale ni eji akɛ aŋmɛɛɛ David gbɛ ni ema sɔlemɔtsu lɛ tsɔɔ akɛ Yehowa ekpɛlɛɛɛ tai ni David wu lɛ anɔ? (1 Kron. 22:6-10)

12. Salomo kpɛlɛ nɔ yɛ sɔlemɔtsu lɛ nɔjɔɔmɔ he sɔlemɔ ni esɔle lɛ mli akɛ, eyɛ mli akɛ Yehowa tsuɔ etsuji ahiamɔ nii ahe nii ehaa amɛ ákɛ kuu moŋ, shi esusuɔ nibii titrii ni he hiaa aŋkro fɛɛ aŋkro ni sheɔ lɛ gbeyei lɛ hu he yɛ mɛɛ gbɛ nɔ? (2 Kron. 6:29, 30)

13. Mɛni ji “wɔji lɛ” ni atsĩ tã yɛ 2 Kronika 11:15 lɛ?

14. Akɛni Baesha nɔyeli lɛ je shishi “yɛ Asa yinɔ afi ni ji etɛ lɛ nɔ,” ni Asa ye nɔ afii 24 pɛ hewɔ lɛ, mɛni hewɔ ŋmalɛi lɛ kɛɔ akɛ Baesha “fã batua Yuda” yɛ “Asa maŋtsɛyeli afi ni ji nyɔŋmai etɛ kɛ ekpaa lɛ” nɔ lɛ? (1 Maŋ. 15:33; 2 Kron. 16:1)

15. Te 2 Kronika 20:22, 23 tsɔɔ nɔ ni baaba Satan je lɛ nɔ lɛ mli fitsofitso eha tɛŋŋ?