Teokrase Sɔɔmɔ Skul Lɛ Mlitĩi Abaasusu

sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul nifeemɔ lɛ mli yɛ otsi ni jeɔ shishi kɛjɛ February 27, afi 2006 lɛ mli kɛtsɔ sanebimɔi kɛ hetooi anɔ. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ January 2 otsi lɛ kɛyashi February 27, afi 2006 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul, bf. 36-37.]

WIEMƆ SUI

1. Mɛɛ gbɛ̀i anɔ Teokrase Sɔɔmɔ Skul lɛ yeɔ ebuaa wɔ koni ‘wɔkɛ yijiemɔ afɔle aha Nyɔŋmɔ ní wɔjaje egbɛi lɛ ayibii lɛ’? (Heb. 13:15) [be-GA bf. 5 kk. 3–bf. 6 kk. 1]

2. Mɛni hewɔ esa akɛ wɔbɔ mɔdɛŋ waa koni wɔkane nii jogbaŋŋ lɛ? [be-GA bf. 83 kk. 1-5]

3. Kɛ́ wɔmiiwie loo wɔmiitsɔɔ nii lɛ, mɛni hewɔ ehe hiaa akɛ wɔwie ní emli atse lɛ? [be-GA bf. 86 kk. 1-6]

4. Mɛni hewɔ wiemɔi atsɛmɔ yɛ gbɛ ni ja nɔ he hiaa lɛ, ni mɛɛ otii esa akɛ asusu he? [be-GA bf. 89 kk. 1–bf. 90 kk. 3, akrabatsa]

5. Mɛɛ ŋaawoi komɛi baaye abua wɔ koni wɔnaa atse kɛ wɔmiigba sane? [be-GA bf. 94 kk. 4-5, akrabatsa]

NIFEEMƆ NI JI 1

6. Mɛɛ gbɛ nɔ 2 Kronika 36:17-23 lɛ maa nɔ mi akɛ abaanyɛ akɛ he afɔ Biblia mli gbalɛ nɔ? [si bf. 84 kk. 35]

7. Mɛɛ shihilɛi ni tsara nɔ kɛba ha Yudafoi lɛ nyɛ amɛku amɛsɛɛ kɛtee amɛmaŋ yɛ afi 537 D.Ŋ.B. koni amɛyasaa amɛma Yehowa we lɛ ekoŋŋ? [si bf. 85 kk. 1-3]

8. Mɛɛ gbɛ nɔ Ezra wolo lɛ fãa Yehowa he akɛ anɔkwa Nyɔŋmɔ ni ehaa anáa hekɛnɔfɔɔ yɛ emli? [si bf. 87 kk. 14, 18]

9. Mɛni hewɔ “maŋtsɛ Artashasta yinɔ afi ni ji nyɔŋmai enyɔ” lɛ he hiaa yɛ Biblia mli be he akɔntaabuu mli lɛ? (Neh. 2:1, 5, 6, 11, 17, 18) [si bf. 88 kk. 2, 5]

10. Nehemia ji nɔkwɛmɔnɔ kpakpa kɛha Nyɔŋmɔ tsuji ŋmɛnɛ yɛ mɛɛ gbɛ nɔ? [si bf. 90 kk. 16-17]

DAA OTSI BIBLIA KANEMƆ

11. Ani nomii ni ku amɛsɛɛ kɛba lɛ kɛ Urim kɛ Tumim ni akɛtsuɔ nii kɛ́ aatao hetoo kɛmiijɛ Yehowa ŋɔɔ lɛ tsu nii? (Ezra 2:61-63)

12. Mɛni hewɔ Yudafoi ni yɔɔ Babilon lɛ ateŋ mɛi babaoo ekpɛlɛɛɛ akɛ amɛaafata Ezra he kɛya Yerusalem lɛ? (Ezra 7:28–8:20)

13. Mɛɛ gbɛ nɔ mɛi ni saa amɛtswa gbogboi lɛ ekoŋŋ lɛ tsɔ amɛkɛ amɛnine kome pɛ tsu nii? (Neh. 4:11, 12)

14. Akɛni bei pii lɛ akɛ woji ni aŋmalaa ni teemɔŋ saji yɔɔ mli lɛ woɔ baagi amli ni asɔo naa hewɔ lɛ, mɛni hewɔ Sanbalat kɛ “wolo ní naa kã” tsu ni akɛyaha Nehemia lɛ? (Neh. 6:5)

15. Beni Nehemia yɔse Yudafoi sɛɛsɛɛyalɔi lɛ ‘atɔmɔi’ taakɛ eyɔse mra mli yɛ nɔyelɔi lɛ kɛ abladei lɛ agbɛfaŋ lɛ, mɛni hu efee koni ekɛjaje amɛtɔmɔ lɛ? (Neh. 13:25, 28)