Teokrase Sɔɔmɔ Skul Lɛ Mlitĩi

Abaasusu sanebimɔi ni nyiɛ sɛɛ nɛɛ ahe yɛ Teokrase Sɔɔmɔ Skul lɛ mli yɛ otsi ni jeɔ shishi kɛjɛ February 26, afi 2007 lɛ mli. Skul nɔkwɛlɔ lɛ kɛ minitii 30 baafee saji amlitĩi lɛ, ni ebaadamɔ nifeemɔi ni afee kɛjɛ January 1 lɛ kɛyashi February 26, afi 2007 otsi lɛ nɔ. [Kadimɔ: Hei ni atsɔɔɔ he ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ koni ekɛtao hetooi lɛ.—Kwɛmɔ Sɔɔmɔ Skul wolo lɛ, bf. 36-37 lɛ mli.]

WIEMƆ SUI

1. Mɛɛ be esa akɛ wɔtsɔɔ bɔ ni abaanyɛ akɛ sane ni wɔwieɔ he lɛ atsu nii, ni mɛɛ gbɛ nɔ esa akɛ wɔtsɔ wɔfee enɛ? [be-GA bf. 158 kk. 2-4]

2. Mɛni hewɔ ehe hiaa akɛ wɔye wɔbua mɛi krokomɛi koni amɛna bɔ ni amɛaafee amɛkɛ sane ni wɔwieɔ he lɛ atsu nii, ni mɛɛ gbɛ nɔ wɔɔtsɔ wɔfee enɛ? [be-GA bf. 159 kk. 3-4]

3. Mɛni hewɔ wiemɔi ní wɔkɛbaatsu nii lɛ ahalamɔ he hiaa waa lɛ? [be-GA bf. 160]

4. Mɛni baaye abua wɔ koni wɔkɛ wiemɔi srɔtoi atsu nii yɛ gbɛ ni ja nɔ? [be-GA bf. 161 kk. 5-6; bf. 162 kk. 1, 4]

5. Mɛni ji sɛɛnamɔi komɛi ni yɔɔ wiemɔ he wolo ni aŋma loo saji otii ni akaseɔ awoɔ yitsoŋ lɛ he? [be-GA bf. 166 kk. 1-3]

NIFEEMƆ NI JI 1

6. Kɛ́ aasaa he kɛha nikanemɔ nifeemɔ lɛ, mɛni ebiɔ ni afee? [be-GA bf. 43 kk. 2, 4]

7. Kɛ́ wɔɔná suɔmɔ wɔha ekpakpa kɛ nyɛɛ wɔha efɔŋ taakɛ Yehowa feɔ lɛ, mɛni ehe hiaa akɛ wɔfee? (Heb. 5:14) [w05-GA 1/1 bf. 9 kk. 11]

8. Mɛni esa akɛ wɔkai kɛ́ wɔkane nɔ ko yɛ Biblia lɛ mli ni hã wɔyiŋ fee wɔ kɔshikɔshi akɛ Nyɔŋmɔ fee enii yɛ gbɛ ni ja loo yɛ gbɛ ni sa nɔ lɛ? [w05-GA 2/1 bf. 24 kk. 7]

9. Kɛ́ nibii ni adesai biɔ ni wɔfee lɛ teɔ shi ewoɔ Nyɔŋmɔ mla lɛ, te esa akɛ wɔfee wɔnii wɔha tɛŋŋ? [w05-GA 4/15 bf. 12 kk. 9]

10. Yesaia gbalaa jwɛŋmɔ kɛyaa Mesia Maŋtsɛyeli lɛ kɛ mɔ ni baatsɔ Mesia lɛ hiɛ, ni ji Yohane baptisilɔ lɛ nɔ yɛ mɛɛ gbɛ nɔ? [si bf. 123 kk. 35]

DAA OTSI BIBLIA KANEMƆ

11. Mɛni ji “hiɛhàa nɔ̃” lɛ kɛ “muhɔɔ” lɛ ní atsĩ tã yɛ Yesaia 25:7 lɛ?

12. Te gbɔmɛi aaafee tɛŋŋ ‘amɛna’ Yehowa ní ‘amɛnu’ egbee? (Yes. 30:20, 21)

13. Shwelɛ ni Hezekia yɔɔ akɛ ewala sɛɛ atsɛ lɛ kɛkɛ hewɔ esɔle taakɛ aŋma yɛ Yesaia 38:3 lɛ. Anɔkwale loo Amale.

14. Israelbii lɛ sɔmɔ akɛ Yehowa odasefoi yɛ mɛɛ gbɛ nɔ, ni mɛɛ gbɛ nɔ wɔɔtsɔ wɔkase amɛ? (Yes. 43:10)

15. Yɛ gbalɛ mli nɔkwɛmɔnɔ ni yɔɔ Yesaia 52:11, 12 lɛ kɛ gbeekpamɔ naa lɛ, mɛni ataoɔ yɛ ‘mɛi ni tereɔ Yehowa nibii lɛ’ adɛŋ?