Mɛni Okɛ Owala Baafee?
1 Bei komɛi lɛ abiɔ gbekɛbii akɛ, “Kɛ́ oda lɛ, mɛni obaasumɔ ni ofee?” Beni oji gbekɛ nuu fioo lɛ, ani okɛɛ obaasumɔ ni ohe gbɛi yɛ kpɔiaŋgbɔlemɔ mli? otsɔ nitsumɔtsɛ kpanaa? otsɔ kpokpaa nɔkwɛlɔ? Aloo beni oji gbekɛyoo fioo lɛ, ani okɛɛ obaasumɔ ni otsɔ lalafolɔ ni ehe gbɛi? helatsɛmɛi akwɛlɔ? maŋsɛɛ sanekpakpa shiɛlɔ? Amrɔ nɛɛ ni otsɔ oblanyo loo oblayoo nɛɛ, esa akɛ obi ohe akɛ, ‘Mɛni mikɛ miwala baafee?’ Ani ofee klalo kɛha enɛ he yiŋkpɛɛ?
2 Yehowa asafo lɛ efee DVD ni ji Young People Ask—What Will I Do With My Life? (Oblahii kɛ Oblayei Biɔ Akɛ—Mɛni Mikɛ Miwala Baafee?) bɔni afee ni eye ebua bo koni onyɛ okpɛ yiŋ ni hi fe fɛɛ yɛ onyɛmɔ naa. Ofainɛ kwɛmɔ drama, sanebimɔi, kɛ nibii krokomɛi ni fata he ni yɔɔ DVD lɛ nɔ lɛ, ni okɛ hiɛdɔɔ ajwɛŋ fɛɛ nɔ. Ato emli nifeemɔi lɛ anaa yɛ akrabatsa ni ji “Main Menu” lɛ mli.
3 Drama: Beni okwɛɔ drama lɛ, susumɔ sanebimɔi nɛɛ ahe: (1) Timoteo ni awie ehe sane yɛ Kristofoi a-Hela Ŋmalɛi lɛ amli lɛ shihilɛ lɛ tamɔ Andre nɔ̃ lɛ nɔŋŋ yɛ mɛɛ gbɛ nɔ? (Bɔf. 16:1; 1 Tim. 4:8; 2 Tim. 1:5) (2) Mɛɛ gbɛ nɔ atee nɔ anyɛ Andre nɔ koni eye omanye yɛ foidamɔ mli, ni namɛi nyɛ enɔ lɛ? (3) Namɛi ná Timoteo kɛ Andre nɔ hewalɛ kpakpa, ni yɛ mɛɛ gbɛ̀i anɔ? (2 Tim. 1:1-4; 3:14, 15) (4) Mɛɛ gbɛ nɔ ŋaawoo ni yɔɔ Mateo 6:24 kɛ Filipibii 3:8 lɛ ná Andre nɔ hewalɛ, ni mɛɛ gbɛ nɔ ŋmalɛi nɛɛ náa onɔ hewalɛ?
4 Selected Scenes (Emli Nifeemɔi Komɛi): Kɛ́ okwɛ drama lɛ ogbe naa lɛ, kuu sɛɛ okwɛ nifeemɔi ni nyiɛ sɛɛ nɛɛ, ni okɛha sanebimɔi nɛɛ ahetoo. “Paul and Timothy”: Mɛni ji naagbee ŋaawoo ni Paulo kɛha Timoteo? (2 Tim. 4:5) “Giving Jehovah Your Best”: Mɛɛ mumɔŋ otii okɛma ohiɛ? “Taking a Stand for Jehovah”: Nɛgbɛ anáa anɔkwa miishɛɛ yɛ? “Grandmother’s Advice”: Mɛni ehiii yɛ shwelɛ ni anáa akɛ aaahe gbɛi yɛ Satan jeŋ nɛɛ mli lɛ he? (Mat. 4:9) “No Regrets”: Mɛɛ anɔkwa sane kɛ́ oná ole lɛ ebaanyɛ eye ebua bo koni otsui anyɔ omli yɛ shihilɛ mli?—Abɛi 10:22.
5 Interviews (Sanebimɔi): Beni okwɛɔ nifeemɔi ni nyiɛ sɛɛ nɛɛ lɛ, mɛni oyɔse akɛ obaanyɛ ofee koni okɛtsɔɔ akɛ okɛ otsui fɛɛ miisɔmɔ Yehowa? (1) “Dedication to Vain Pursuits or to God?” (1 Yoh. 2:17); (2) “Learning to Enjoy Your Ministry.” (Lala 27:14); kɛ (3) “An Open Door to Service.”—Mat. 6:33.
6 Looking Back (Be ni Eho lɛ Nɔjwɛŋmɔ): Ani obaanyɛ oha hetoo? (1) Mɛɛ nitsumɔ nyɛmi nuu lɛ kɛ nyɛmi yoo lɛ tsu, ni mɛni hewɔ? (2) Mɛni amɛná kɛjɛ mli? (3) Mɛni ha amɛteŋ mɔ fɛɛ mɔ shihilɛ tsake? (2 Kor. 5:15) (4) Mɛɛ teokrase nitsumɔi amɛkɛye nɔ ni no mli lɛ amɛtsuɔ lɛ najiaŋ, ni mɛni hewɔ amɛnu he akɛ amɛnyɛŋ amɛtsu nitsumɔi enyɔ lɛ fɛɛ shikome lɛ? (5) Ani amɛshwa amɛhe akɛ amɛtsake oti ni amɛkɛ ma amɛhiɛ yɛ shihilɛ mli lɛ? (6) Mɛɛ wiemɔi pɔtɛɛ ni amɛwie lɛ eha osusu nɔ ni esa akɛ okɛ owala afee lɛ he?
7 Supplementary Interviews (Sanebimɔi Krokomɛi ni Fata He): Mɛni okase yɛ sanebimɔi nɛɛ mli ni obaanyɛ okɛtsu nii jogbaŋŋ yɛ Yehowa sɔɔmɔ mli? (1) “The Value of Personal Study,” (2) “Alternative Witnessing,” (3) “Bethel Service,” (4) “Gilead Missionary Training,” kɛ (5) “Ministerial Training School.” Kwɛmɔ “Index to Published Information on Related Subjects” lɛ, ni okane nɔ ni onaa he miishɛɛ waa lɛ he nibii pii.
8 Ani okpɛ oyiŋ yɛ nɔ okɛ owala baafee lɛ he? Paulo wo Timoteo hewalɛ akɛ: “Bɔɔ nii nɛɛ ahe mɔdɛŋ [loo “jwɛŋmɔ nii nɛɛ anɔ,” NW], okɛ ohe awo mli kwraa, koni mɛi fɛɛ ana oshweremɔ faŋŋ.” (1 Tim. 4:15) Wɔmiiwo bo hewalɛ koni ofee nakai nɔŋŋ yɛ nibii ni ona kɛ nɔ ni onu yɛ DVD nɛɛ nɔ lɛ he. Bi Yehowa ni eye ebua bo koni onyɛ okpɛ yiŋ ni ja ní baaha otsui anyɔ omli ni oná miishɛɛ diɛŋtsɛ yɛ shihilɛ mli amrɔ nɛɛ, kɛ agbɛnɛ hu wɔsɛɛ.
[Caption on page 6]
MAIN MENU
Play Drama
Scenes (11 selections)
Interviews
Play All
Sections (3 selections)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Bɔni afee ni onyɛ ohala DVD lɛ mli hei pɔtɛɛ ni otaoɔ okwɛ tɛ̃ɛ lɛ, nyɛɛ Next ▶, ◀ Back, kɛ Main Menu lɛ nɔ.