Adafitswai

◼ Wolo ni akɛbaaha yɛ July kɛ August: Nyɛkɛ woji bibii ni hiɛ baafa 32 ni baahi kɛha nyɛshikpɔŋkuku lɛ ahaa. September: Mɛni Biblia lɛ Tsɔɔ Diɛŋtsɛ? October: Nyɛkɛ Buu-Mɔɔ kɛ Awake! woji tɛtrɛbii lɛ ahaa.

◼ Akɛni otsii anaagbee enumɔ yɔɔ September mli hewɔ lɛ, ebaafee nyɔɔŋ ni sa jogbaŋŋ akɛ aaatsu gbɛgbalɔi awamɔ nitsumɔ lɛ.

◼ Wiemɔ ni kpokpaa nɔkwɛlɔi baaha kɛjɛ September kɛyaa lɛ saneyitso ji “Mɛni Tsɔɔ akɛ Biblia lɛ Ja?”

◼ Esa ákɛ atsɔ hiɛ akɛ daa gbɛgbamɔ sɔɔmɔ lɛ he gbɛbimɔ woji lɛ amaje nitsumɔhe nine lɛ kɛ hooo lɛ gbii 30 dani be ní shiɛlɔ lɛ etsɔɔ akɛ ebaaje shishi lɛ ashɛ. Esa akɛ asafoŋ woloŋmalɔ lɛ akwɛ akɛ aŋmala woji nɛɛ anɔ nii jogbaŋŋ lo. Kɛji shiɛlɔi komɛi nyɛɛɛ akai be tuuntu ni akɛbaptisi amɛ lɛ, esa akɛ aha amɛtsɔɔ be ko ni eeenyɛ efee akɛ no mli abaptisi amɛ, koni no sɛɛ lɛ aŋma afɔ̃ shi. Esa akɛ woloŋmalɔ lɛ aŋma nɛkɛ be nɛɛ ewo Congregation’s Publisher Record (S-21) wolo lɛ nɔ.

◼ Esa akɛ nyɛkane woji wuji kɛ woji tɛtrɛbii ni nyɛyɔɔ lɛ fɛɛ ekomekome yɛ August 31, afi 2007 loo beni eshwɛ fioo ni nakai gbi lɛ baashɛ. Nɛkɛ woji akanemɔ nɛɛ tamɔ woji ni mɔ ni kwɛɔ woji ashɛɛ nɔ lɛ kaneɔ daa nyɔɔŋ nɔ lɛ nɔŋŋ, ni esa akɛ aŋmala yibɔ ni abaaná lɛ yɛ Literature Inventory (S-18) wolo lɛ nɔ. Nyɛbia sɔɔlɔ(i) ni kwɛɔ nyɛwoji tɛtrɛbii lɛ anɔ lɛ koni amɛtsɔɔ nyɛ woji tɛtrɛbii afalɛ ni nyɛyɔɔ. Esa akɛ asafo ni kwɛɔ woji ashɛɛ nɔ lɛ woloŋmalɔ lɛ akwɛ woji ni abaakane lɛ nɔ. Asafo ni kwɛɔ woji ashɛɛ nɔ lɛ woloŋmalɔ lɛ kɛ onukpai asɛinɔtalɔ lɛ kɛ amɛwaonaa gbɛi baawo wolo lɛ shishi. Asafo fɛɛ asafo ni kwɛɔ woji ashɛɛ nɔ lɛ nine baashɛ Literature Inventory woji lɛ etɛ nɔ. Nyɛfainɛ, nyɛkɛ klɛŋklɛŋ wolo ni nyɛŋmala nɔ nii lɛ amajea nitsumɔhe nine lɛ dani September 6 aho. Nyɛkɛ nɔ ni ji enyɔ lɛ atoa nyɛwoji amli. Nyɛbaanyɛ ni nyɛkɛ nɔ ni ji etɛ lɛ atsu nii akɛ nɔ ni abuɔ akɔntaa yɛ nɔ.

◼ Esa akɛ asafoŋ woloŋmalɔi aŋmala Congregation Analysis Report (S-10) wolo lɛ nɔ nii jogbaŋŋ ni amɛkɛmaje dani September 6, 2007 aho. Esa akɛ sɔɔmɔ ajinafoi akuu lɛ akwɛ mli jogbaŋŋ akɛ eja lo dani amɛkɛmaje. Kɛ́ nyɛnuuu sanebimɔ pɔtɛɛ ko ni yɔɔ wolo lɛ mli lɛ shishi jogbaŋŋ lɛ, nyɛfainɛ nyɛtswaa “Report Desk” ni yɔɔ Betel lɛ tɛlifoŋ.