Adafitswai

◼ Wolo ni akɛbaaha yɛ December: Akɛ Gbɔmɔ ni Fe Mɔ Fɛɛ Mɔ ni Ehi Shi Pɛŋ wolo lɛ baaha. Kɛ́ enɛ eko bɛ lɛ, abaanyɛ akɛ Tsi Obɛŋkɛ Yehowa wolo lɛ loo Nɔ Diɛŋtsɛ ni Kɛ Weku Miishɛɛ Baa wolo lɛ aha. January: Abaanyɛ akɛ woji ni hiɛ baafai 192 ni akala yɛ wolo ni hiɛ tsuɔ nɔ loo ni su etsake, loo wolo fɛɛ wolo ni afee dani afi 1991 shɛ lɛ aha. Asafoi ni bɛ woji ni tamɔ nakai lɛ, baanyɛ amɛkɛ Nilee wolo lɛ (kɛ́ eko yɛ) loo Nyɛyaa nɔ Nyɛshia Kpe! wolo lɛ aha. February: Is There a Creator Who Cares About You? wolo lɛ loo Nɔ Diɛŋtsɛ ni Kɛ Weku Miishɛɛ Baa wolo lɛ aha. March: Mɛni Biblia lɛ Tsɔɔ Diɛŋtsɛ? Bɔɔ mɔdɛŋ ni oje Biblia mli nikasemɔi ashishi.

◼ Esa akɛ mɔ ko ni onukpai asɛinɔtalɔ lɛ ehala lɛ lɛ akwɛ asafo lɛ shika he akɔntaabuu kɛha September, October kɛ November nyɔji lɛ amli. Esaaa akɛ ehaa mɔ kome too lɛ nɔŋŋ kwɛɔ shika he akɔntaabuu lɛ mli kɛtsaraa nɔ. Kɛ́ akwɛ mli agbe naa lɛ, esa akɛ atswa asafo lɛ adafi beni akaneɔ shika he akɔntaabuu ni baanyiɛ sɛɛ lɛ.—Kwɛmɔ Instructions for Congregation Accounting (S-27) wolo lɛ mli.

◼ Nyɛfainɛ nyɛkadia akɛ abaaye afi 2009 Kaimɔ lɛ Soo, April 9, beni hulu enyɔ shi sɛɛ. Aatsɔ hiɛ akɛ adafitswaa nɛɛ miiha bɔni afee ni ekolɛ kɛ́ asafoi srɔtoi kpeeɔ yɛ Maŋtsɛyeli Asa kometoo lɛ mli lɛ, amɛyatao he ko kɛha nifeemɔ lɛ.

◼ Ehe ehiaaa ni kɛ́ nyɛbaaya gbii etɛ kpokpaa wulu nɔ kpeei lɛ ato Teokrase Sɔɔmɔ Skul lɛ kɛ Sɔɔmɔ Kpee lɛ he gbɛjianɔ kɛha nakai otsi lɛ. Esa akɛ onukpai asɛinɔtalɔi lɛ afee tsakemɔi ni sa lɛ koni atsu fãi ni sa lɛ ahe nii dani aya kpeei lɛ aloo kɛ́ ajɛ kpeei lɛ aba. (km-GA 11/06 Adafitswaa) Shi esa akɛ afee Asafo Woloŋ Nikasemɔ.

◼ Nyɛkwɛa ni nyɛkɛ afi ŋmalɛ hee ni afee awo Yeartext Banners nɔ ní nitsumɔhe nine lɛ kɛmaje lɛ akpɛtɛa nyɛ-Maŋtsɛyeli Asa lɛ nɔ amrɔ nɔŋŋ yɛ January 1. (Kwɛmɔ Adafitswaa ni akɛha yɛ August Wɔ Maŋtsɛyeli Sɔɔmɔ lɛ mli lɛ.) Afi ŋmalɛ lɛ ji: “Nyɛdamɔa shi shiŋŋ, ní nyɛkwɛa nyɛyiwala ní Yehowa baahere.”—2 Mose 14:13.